جەتىسۋ وبلىسىندا وتكەن 7 ايدا شاعىن جانە ورتا بيزنەستە جۇمىس ىستەپ تۇرعان سۋبەكتىلەر سانى 59,9 مىڭعا جەتتى، وعان مەملەكەتتىك قولداۋ شارالارىنىڭ دا ىقپالى بولعانى ءسوزسىز. جالپى، كاسىپكەرلىكتى دامىتۋ جونىندەگى ۇلتتىق جوبا اياسىندا 2023 جىلعا وڭىردە شوب-تى قولداۋعا 6,8 ملرد. تەڭگە ءبولىندى.
مەملەكەتتەن قولداۋ كورگەندەردىڭ ءبىرى - تەكەلى قالاسىنىڭ تۇرعىنى ليۋدميلا كۋزنەتسوۆا، ول - ەرەكشە قاجەتتىلىگى بار بالا تاربيەلەپ وتىرعان انا. ول 1 ملن. 380 مىڭ تەڭگە كولەمىندە گرانت الىپ، 8 سپورتتىق ۆەلوسيپەد پەن ولارعا قاجەتتى قوسالقى بولشەكتەر ساتىپ الدى. ءسويتىپ جالعا بەرۋ پۋنكتىن اشتى.
كاسىپكەردىڭ ايتۋىنشا، ءبىر كەزدەرى بۇكىل وتباسىمەن بىرگە ۆەلوسيپەدپەن تاۋعا شىقساق دەپ ارمانداعان كەزدە وسى كاسىپتى باستاۋ تۋرالى وي تۋعان. كەيىن باجايلاپ قاراسا، تەكەلىدە ۆەلوسيپەدتەردى جالعا الاتىن ورىندار جوق ەكەن:
- جەكە بيزنەس اشۋعا مەملەكەتتەن قولداۋ بەرىلەتىنىن تانىستارىمنان ەستىدىم دە، بيزنەس نەگىزدەرى تۋرالى وقۋدان ءوتتىم، بيزنەس-جوسپارىمىزدى دايىنداپ، ونى كوميسسياعا ۇسىندىق. ءبىزدىڭ يدەيامىزدى قولدادى. ءبىز گرانت جەڭىپ الىپ، ىسكە كىرىستىك. ۆەلوسيپەد ساتىپ الۋعا اركىمنىڭ جاعدايى كەلە بەرمەيدى، سوندىقتان قاجەتتىلىك تۋىپ جاتسا، تۇرعىنداردىڭ بىزگە كەلۋىنە بولادى. ۆەلوسيپەدتى جالعا الۋ قۇنى 500 تەڭگەدەن باستالادى. باعا پايدالانۋ ۋاقىتىنا بايلانىستى بەلگىلەنەدى. ۆەلوسيپەدتى جالعا بەرەتىن شاتىرىمىز قالالىق ساياباققا قارسى بەتتە ورنالاسقان. قازىر بىزگە وتباسىلارىمەن كەلەدى، ءبىز وعان قۋانامىز. ويتكەنى، اشىق اسپان استىندا ۆەلوسيپەد تەبۋ دەنساۋلىققا پايدالى. بۇل - بالالاردى سمارتفون مەن باسقا گادجەتتەردەن الشاقتاتۋدىڭ جاقسى ءتاسىلى. ءبىزدىڭ تەكەلىنىڭ تابيعاتى كەرەمەت. ەكولوگيالىق ۆەلوتۋريزمدى ۇيىمداستىرسام دەگەن ماقساتىم بار، – دەدى ل.كۋزنەتسوۆا.
جالپى مۇنداي گرانتتار ءىسىن جاڭا باستاعان كاسىپكەرلەرگە، الەۋمەتتىك وسال توپتار ساناتىنداعى ازاماتتارعا جاقسى قولداۋ. بۇل شارالار تۇرعىنداردىڭ وزدەرىن تۇراقتى تابىسپەن قامتاماسىز ەتە وتىرىپ، ءوندىرىستى جولعا قويۋعا جانە دامىتۋعا مۇمكىندىك بەرەدى.
وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ دەرەكتەرى بويىنشا كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 2023 جىلعا 6,8 ملرد. تەڭگە ءبولىندى (جب – 723,7 ملن.، رب – 6,1 ملرد. تگ.). قازىرگى كەزدە 15 ملرد. تەڭگەگە 335 جوبا ماقۇلداندى، پايىزدىق مولشەرلەمەنى سۋبسيديالاۋعا 5,8 ملرد. تەڭگە ءبولىندى، كرەديتتىك سوماسى 13,3 ملرد. تەڭگەگە 196 جوبا ماقۇلداندى، 75 جاڭا جۇمىس ورنى قۇرىلدى; ءىشىنارا كەپىلدىك بەرۋگە 0,8 ملرد. تەڭگە ءبولىندى، 1,7 ملرد. تەڭگەگە 139 جوبا ماقۇلداندى، 40 جاڭا جۇمىس ورنى قۇرىلدى; 5 ملن. تەڭگەگە دەيىن گرانتتار بەرۋگە 170 ملن. تەڭگە قاراستىرىلدى، بۇل رەتتە كونكۋرس قاراشا ايىنا مەجەلەنگەن، 34 جۇمىس ورنىن قۇرۋ جوسپارلانۋدا; ينجەنەرلىك ينفراقۇرىلىم جۇرگىزۋگە 4 جوبا بويىنشا 36,5 ملن.تەڭگە ءبولىندى، 10 جۇمىس ورنىن قۇرۋ جوسپارلانۋدا.
جالپى، 2023 جىلعى قاڭتار-شىلدە ايلارىندا شوب سۋبەكتىلەرىنەن وبلىس بيۋدجەتىنە تۇسەتىن سالىقتىق تۇسىمدەر 21,8 ملرد. تەڭگە نەمەسە 2022 جىلعى سايكەس كەزەڭمەن سالىستىرعاندا 135,9% قۇرادى، 2023 جىلدىڭ جوسپارى – 32 ملرد.تەڭگە.
2022 جىلدىڭ قورىتىندىسى بويىنشا جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 39,3%-عا، ال وسى جىلدىڭ ءى توقسانىنىڭ قورىتىندىسى بويىنشا 26,5%-عا جەتتى. 2022 جىلدىڭ قورىتىندىسى بويىنشا جۇمىسپەن قامتىلعاندار سانى 102,1 مىڭ ادام نەمەسە 2021 جىلعا قاراعاندا 114,7%، 2023 جىلدىڭ جوسپارى - 110,5 مىڭ ادام. 2023 جىلعى ءونىم مەن كورسەتىلگەن قىزمەت كولەمىنىڭ جوسپارى - 850 ملرد.تەڭگە.
