2023 jylǧy 11 qyrküiekte Almaty oblysynda mektep oquşysy öz-özıne qol jūmsamaq bolǧany habarlandy. Ministrlık ökılderı jaǧdaiǧa qatysty tüsınıkteme berdı, dep habarlaidy "Adyrna" ūlttyq portaly Zakon.kz saityna sılteme körsete otyryp.
Oqu-aǧartu ministrlıgınıŋ habarlauynşa, qazır atalmyş jaǧdai boiynşa jūmys toby qūrylǧan. Jaǧdaidyŋ Oqu-aǧartu ministrlıgı, Balalardyŋ qūqyǧyn qorǧau komitetınıŋ baqylauynda ekenın aityldy. Jaǧdaidyŋ anyq-qanyǧyn anyqtau üşın basşylyq mamandarynyŋ Talǧar audanyndaǧy mektepke attanǧany habarlandy.
"Osy jaǧdai boiynşa jūmys toby qūryldy. Oqiǧanyŋ män-jaiyn anyqtau üşın Oqu-aǧartu ministrlıgınıŋ ökılderı men Almaty oblysynyŋ bılım basqarmasynyŋ basşylyǧy şūǧyl türde bala oqityn mektepke attandy", - dep habarlady Qazaqstan Respublikasy Oqu-aǧartu ministrlıgınıŋ baspasöz qyzmetı.Eske sala keteiık, 11 qyrküiekte Almaty oblysy, Talǧar audany, Besaǧaş auylynda oquşy bala hat jazyp qaldyryp, köp aspirin ışıp, tösekke jatyp qalǧan. Auyl hälde jatqan balasynyŋ üstınen tüsken anasy jedel-järdem şaqyrtqan. Poliseiler qazırgı uaqytta ıstıŋ män-jaiyn tolyq, jan-jaqty jäne obektivtı zerdeleu üşın saraptamalar taǧaiyndalyp, barlyq qajettı tergeu şaralary jürgızılıp jatqanyn aitty.
"Adyrna" ūlttyq portaly
Ūqsas jaŋalyqtar
