رەسەيلىك ازىلكەش ازامات مۇساعاليەۆ رەسەي وككۋپاتسيالاعان ۋكراينانىڭ دونباسس قالاسىنا جاساعان ساپارىنان كەيىن "بىتىمگەر" (“ميروتۆورەتس”) سايتىنىڭ دەرەكقورىنا ەندى.اتالعان پورتالدا “ۋكرايناعا قاۋىپ توندىرەتىن جەكە تۇلعالار مەن ۇيىمدار” تۋرالى اقپاراتتار جاريالانادى، دەپ حابارلايدى “ادىرنا” ۇلتتىق پورتالى.
ايتا كەتەيىك، "بىتىمگەر" ۋكرايندىق ۆەب-سايتى 2014 جىلدىڭ تامىزىندا سول كەزدە ۋكراينا ىشكى ىستەر ءمينيسترىنىڭ شتاتتان تىس كەڭەسشىسى بولعان انتون گەراششەنكونىڭ باستاماسىمەن قۇرىلعان. سايت ءوزىن ۋكراينانىڭ ۇلتتىق قاۋىپسىزدىگى، بەيبىتشىلىك جانە ازاماتتاردىڭ قاۋىپسىزدىگى نەگىزدەرىنە قارسى قىلمىستاردى زەرتتەۋ ورتالىعىنىڭ ونلاين وكىلدىگى رەتىندە كورسەتەدى.
اقپارات بويىنشا، شوۋمەندى ورىس-فاشيست باسقىنشىلارىنىڭ سىبايلاسى جانە رەسەي بيلىگىنىڭ قىلمىستارىنا سەرىكتەس دەپ اتادى.
ال ونىڭ سەرىكتەسى دەنيس دوروحوۆ "بىتىمگەر" دەرەكقورىنا 2019 جىلى قوسىلعان.
بۇل سايتقا كىرۋدەگى بىردەن-ءبىر سەبەپ، ازامات مۇساعاليەۆ پەن دەنيس دوروحوۆ 8 قىركۇيەك كۇنى دونباسستى فاشيستىك باسقىنشىلاردان ازات ەتۋ كۇنىنە ارنالعان كونتسەرتتە ونەر كورسەتكەن ەدى.
كونتسەرتتە قازاقستاندا جەكە كەشىن وتكىزۋگە رۇقسات ەتىلمەگەن گريگوري لەپس، Shaman, الەكساندر بۋينوۆ، الەكساندر مارشال، ولگا كورمۋحينا، دميتري ديۋجەۆ، گوشا كۋتسەنكو، روديون گازمانوۆ ونەر كورسەتتى.
ايتا كەتەيىك، 5 قازاندا مۇساعاليەۆ، دوروحوۆ جانە باسقا دا "كامىزياكي" كۆن كومانداسىنىڭ مۇشەلەرى الماتىدا ونەر كورسەتەدى. دەگەنمەن، كونتسەرتتى وتكىزۋگە قازاقستاندىقتار قارسى بولىپ، بولماۋىن تالاپ ەتۋدە.
