نۇر-سۇلتان جاتاقحاناسىندا ءورت: 11 بالا اۋرۋحانادا جاتىر

1661
Adyrna.kz Telegram

بۇگىن نۇر-سۇلتان قالاسىنىڭ بايقوڭىر اۋدانىنداعى حالەل دوسمۇحامەدۇلى كوشەسىندە ورنالاسقان بەس قاباتتى جاتاقحانادا ءورت شىقتى. قالالىق قوعامدىق دەنساۋلىق ساقتاۋ باسقارماسىنىڭ ستاتسيونارلى قىزمەتتى ۇيىمداستىرۋ ءبولىمىنىڭ باسشىسى اسلان جانگەرەەۆتىڭ ايتۋىنشا، ءورت سالدارىنان 26 ادام اۋرۋحانادا جاتىر، دەپ حابارلايدى Stan.kz تىلشىسى. 

«بۇگىن ساعات 10:39-دا توتەنشە جاعدايلار دەپارتامەنتىنىڭ 101 پۋلتىنە بايقوڭىر اۋدانى حالەل دوسمۇحامەدۇلى كوشەسىندەگى بەس قاباتتى جاتاقحانادان ءورت شىققانى تۋرالى حابار كەلىپ ءتۇستى. 8 مينۋتتان سوڭ وقيعا ورنىنا ءبىرىنشى بولىپ ورت ءسوندىرۋ بريگاداسى كەلىپ جەتتى. بەس قاباتتى جاتاقحانانىڭ ەكىنشى قاباتىندا جيھاز ورتەنىپ، ءورت 20 شارشى مەتردى شارپىعان. ءورت سوندىرۋشىلەر اۆتوساتىنىڭ كومەگىمەن 32 ادامدى قاۋىپسىز جەرگە كوشىردى. جەدەل جاردەم كولىگى 26 ادامدى، ونىڭ ىشىندە 14 بالانى اۋرۋحانالارعا جەتكىزدى. قازىرگى كەزدە 11 بالا اۋرۋحانادا جاتىر", - دەپ ايتتى جانگەرەەۆ.

وقيعا ورنىنا قالا اكىمى باقىت سۇلتانوۆ، نۇر-سۇلتان قالاسى تجد باستىعىنىڭ مىندەتىن ۋاقىتشا اتقارۋشى مارعۇلان امانباەۆ باردى.

ءورت سوندىرۋشىلەردىڭ بارلىق ءىس-قيمىلى جاتاقحانانىڭ جوعارعى قاباتتارىنان ءۇش باعانالى، 3 شابۋىل ساتىسى، قۇتقارۋ ارقاندارى جانە ال-30 كومەگىمەن ادامداردى قۇتقارۋعا باعىتتالدى. سونداي-اق زارداپ شەككەندەردى ىزدەستىرۋ ءۇشىن گاز-تۇتىننەن قورعاۋ قىزمەتىنىڭ بۋىندارى قوسىمشا جۇمىلدىرىلدى.

ءورت سوندىرۋشىلەردىڭ جەدەل جانە ۇيلەسىمدى ءىس-قيمىلدارى نەگىزىندە 32 ادام قۇتقارىلدى، ونىڭ ىشىندە 28-ءى بالا. ءورت تولىعىمەن ءسوندىرىلدى.

ءورت سوندىرۋگە جەكە قۇرامنان 66 ادام جانە ءورت ءسوندىرۋ قىزمەتىنىڭ 18 تەحنيكاسى جۇمىلدىرىلدى. ءورتتىڭ سەبەبى انىقتالىپ جاتىر.

پىكىرلەر