سارىعاشتاعى بەس جاسار ءبۇلدىرشىندى زورلاپ، ءولتىردى دەگەن كۇدىكتىنىڭ سوتى باستالدى، دەپ جازادى "ادىرنا" پورتالى.
وقيعا 14 شىلدە كۇنى تۇركىستان وبلىسىنىڭ جىبەك جولى اۋىلىندا بولعان.
پروتسەسس جابىق تۇردە وتەدى. جەرگىلىكتى زاڭگەرلەر سوت ۇكىمى ەكى كەزدەسۋدەن كەيىن بىردەن شىعادى دەپ ەسەپتەيدى. كەيبىرەۋلەر بۇل ەرتەڭ بولادى دەپ بولجايدى.
"پروتسەسسكە قاتىسۋشىلاردىڭ قاۋىپسىزدىگىن قامتاماسىز ەتۋ جانە ءتۇرلى شەكتەن شىعۋدىڭ الدىن الۋ ءۇشىن ۇلكەن رەزونانس جاعدايىندا سوت پروتسەسى باسقا وبلىستاعى تەرگەۋ يزولياتورىنىڭ اۋماعىندا ءوتىپ جاتىر. مەنىڭ جەكە پوزيتسيام بويىنشا سوتتالۋشىعا ءومىر بويى قوعامنان وقشاۋلاۋ جازاسىن تاعايىنداۋ كەرەك»، - دەپ جازادى ادۆوكات تالعات ەسىموۆ ءوزىنىڭ Telegram-ارناسىندا.
بۇعان دەيىن جىبەك جولى اۋىلىندا بەس جاسار قىزدىڭ جوعالىپ كەتكەنىن جازعان بولاتىنبىز. ونىڭ كوپتەگەن پىشاق جاراقاتتارى بار دەنەسى كورشىسىنىڭ قوراسىنان تابىلعان.
تۇركىستان وبلىسى سارىاعاش اۋدانىندا بەس جاسار قىزدى ءولتىردى دەگەن كۇدىكتىنىڭ بۇرىن ەكى رەت سوتتى بولعانى بەلگىلى بولدى.
