تۇركىمەنستاندا 18 اسكەري قىزمەتكەر بەلگىسىز جاعدايدا قازا تاپتى، دەپ حابارلايدى «ادىرنا» ءتىلشىسى ازاتتىقتىڭ تۇركىمەن قىزمەتىنە سىلتەمە جاساپ.
جيىرماعا جۋىق ساربازدىڭ تۋىستارىنا ولار اشحاباد ماڭىنداعى كولىك اپاتىنان قازا تاپتى دەپ ايتىلعان. الايدا ازاتلىك دەرەككوزدەرى بۇل نۇسقانىڭ دۇرىستىعىنا كۇمان كەلتىرەدى. ولاردىڭ ايتۋىنشا، وقيعاعا اۋعانستانداعى جاعدايدىڭ قاتىسى بولۋى مۇمكىن.
18 شىلدە كۇنى 6 اسكەري قىزمەتكەردىڭ دەنەسى تۋىستارىنا «كاماز» كولىگىمەن جەتكىزىلدى. مايىتتەر جابىق تابىتقا سالىنعان. اسكەري قىزمەتكەرلەردىڭ دەنەلەرى لەباپقا اشعاباتتان ەمەس، اۋعانستانمەن كورشىلەس مارىدان جىبەرىلگەن.
ەلدىڭ قورعانىس مينيسترلىگىنە جاقىن دەرەككوزدەردىڭ ءبىرى قارۋلى كۇشتەر شىعىنىنىڭ 18 ادامدى قۇراعانىن مالىمدەدى. ولاردىڭ ىشىندە مايور مەن اعا لەيتەنانت بولعان. ەكەۋى دە لەباپ ايماعىنان شىققان. قايتىس بولعانداردىڭ كوپشىلىگى ماري جانە داشوگۋز وبلىستارىنان كەلگەن.
«ادىرنا» ۇلتتىق پورتالى
