“قارا بازارداعى” سۋ ساۋداسى. كەتكەن سۇلەيمەنوۆا جولداۋدى كۇتكەن بە؟

بۇرىنعى ەكولوگيا ءمينيسترى ءزۇلفيا سۇلەيمەنوۆا سۋ رەسۋرستارى جانە يرريگاتسيا ءمينيسترى بولىپ سايلانعان نۇرجان نۇرجىگىتوۆتى قۇتتىقتاي وتىرىپ، ەلىمىزدەگى سۋ ماسەلەسىنە قاتىستى بىرقاتار شەتىن جايتتاردى ءسوز ەتتى. "قارا بازارداعى" زاڭسىز ساۋداعا تۇسكەن تىرشىلىك كوزىنىڭ كوپشىلىك بىلە بەرمەيتىن پارقى مەن نارقى جايلى جازىپ، كۇرمەۋى كوپ كەلەڭسىزدىكتەردى سۋ جاڭا سۋ مينيسترلىگىنە اماناتتاعانداي بولادى. بۇل جايدى "ادىرنا" ۇلتتىق پورتالى حابارلايدى.   سۇلەيمەنوۆا قازاقستاننىڭ وڭتۇستىك وڭىرلەرىندەگى سۋدىڭ كولەڭكەلى نارىعى ۆەگەتاتسيالىق كەزەڭدە شامامەن 5 ملرد تەڭگەگە باعالاناتىنىن ايتتى.

بولجامدى ەسەپتەر بويىنشا، قازاقستاننىڭ وڭتۇستىك وڭىرلەرىندە ەگىس سۋارۋ كەزىندەگى سۋدىڭ «كولەڭكەلى نارىعى» 5 ملرد تەڭگە دەپ باعالانادى. ءبىز وسىنداي اكتىلەردى گيدروتەحنيكالىق كارتالاردى جاڭارتۋدى جانە قايتا جازۋدى جويۋ ارقىلى، سونداي-اق زاڭناماداعى جاڭا تۇزەتۋلەردى بۇزعانى ءۇشىن قولدانىلاتىن جاۋاپكەرشىلىكتى قاتاڭداتۋ ارقىلى شارالار قابىلداپ باستاعان ەدىك.مينيسترلىك باسشىلىعى وسى باعىتتاعى جۇمىستاردى جالعاستىراتىنىنا سەنىمدىمىن، - دەپ جازدى ول Instagram-پاراقشاسىندا.

سۇلەيمەنوۆا باسقارۋىندا بولعان مينيسترلىكتىڭ جۇمىسىن قورىتىندىلاۋ اياسىندا، ول ماۋسىم ايىندا پرەزيدەنتكە بۇل ماسەلەنى جويۋ قاجەتتىگى تۋرالى ايتقانىن اتاپ ءوتتى. ونىڭ ىشىندە: سۋ ۇرلاۋ، ناقتى پايدالانىلعان سۋارمالى جەرلەر تۋرالى سەنىمدى دەرەكتەردىڭ بولماۋى، سورعىلاردى ارنالار مەن سۋ وبەكتىلەرىنە زاڭسىز قوسۋ، قاجەتتى ينفراقۇرىلىم جاسالماي، سۋارمالى جەرلەردى زاڭسىز اۋىستىرۋ فاكتىلەرى انىقتالعان. ەكس-مينيستر تىرشىلىك نارىعىنداعى تالان-تاراجىعا تۇسكەن زاڭسىز "سۋ ساۋداسى" جايلى  توقاەۆتى دا كەزىندە قۇلاعدار ەتكەنىن جازدى. سۇلەيمەنوۆا قىزۋ سۋ ساۋداسى جايدى پرەزيدەنتكە ماۋسىم ايىنداعى قابىلداۋ كەزىندە ەسەپ بەرگەن.

"سۋ ۇنەمدەۋ تەحنولوگيالارىن قولدانىسقا - وتە ماڭىزدى ماسەلە. شىنىن ايتۋ كەرەك، قازىر جاڭا تاريفتىك ساياسات قۇرماساق، تۇك تە جاساي المايمىز. ەسكىرگەن، توزعان ينفراقۇرىلىمنىڭ مۇمكىندىگى از، ونىڭ اياسىندا جۇمىس ىستەۋ قيىن. شەگىندە جۇمىس ىستەيدى. جاڭاسىن قۇرۋ - نارىقتىڭ مىندەتى. شامادان تىس سۋ تۇتىنۋ - ءتاريفتىڭ جوعارىلاۋىنا تەڭ. ءبىر سوزبەن ايتقاندا، سۋدى ۇنەمدەۋ كەرەك", - دەدى توقاەۆ.

توقاەۆ وسى جىلعى حالىققا جولداۋىندا سۋ سالاسىنداعى "قارا بازاردى" تولىعىمەن جويۋ قاجەتتىگىن اتاپ ءوتتى. "قارا بازارداعى" قىزعان سۋ ساۋداسى جايلى، قارا سۋدىڭ وڭدى-cولدى ساتىلۋىنا جول اشىپ بەرىپ وتىرعان باسسىزدىقتار مەن جۇيەسىزدىكتەر جايلى توقاەۆ تا جاقسى بىلەتىن سەكىلدى. سۋ - شەكتەۋلى رەسۋرس. بارلىق شارۋالاردىڭ تاعدىرى سۋ تاعدىرىمەن تىعىز بايلانىستى. مەملەكەت باسشىسى بۇل سالاداعى بۇزۋشىلىقتار ءۇشىن قاتاڭ جازالاناتىنىن ايتتى. ال ەكس-مينيستر، سونىمەن قاتار، "قازسۋشار" كومپانياسىنىڭ 2017-2018 جىلدارى العان سىرتقى قارىزى كوپتەگەن قيىندىقتار تۋعىزعانىن ەسكە الادى.

"وسىعان بايلانىستى ءبىز ول قارىزدى قايتا قۇرىلىمداپ، كومپانيانى قارجىلىق تۇرعىدان ساۋىقتىرۋعا كىرىستىك. "قازسۋشار" رمك-نى "نۇرا توپتىق سۋ قۇبىرى" رمك-مەن بىرىكتىرۋ ارقىلى جانە "سۋ-مەترالوگيا" فيليالىن ءبولىپ شىعارۋ ارقىلى قايتا قۇرىلىمداۋدىڭ جول كارتاسى ازىرلەندى. ويتكەنى مۇددەلەر قاقتىعىسى بار ەدى. كومپانيانىڭ قارجىلاي تۇراقتىلىعىن بىرنەشە رەت ماسەلە ەتىپ كوتەردىم. اقىرىندا جوعارى اۋديتورلىق پالاتا تەكسەرۋ جۇرگىزدى. انىقتالعان زاڭ بۇزۋ فاتكىلەرىنىڭ ءبارى بويىنشا مينيسترلىكتىڭ جاڭا باسشىلىعى ءبىز قابىلداپ ۇلگەرمەگەن ءتيىستى شەشىمدەردى قابىلدايدى دەپ سەنەمىن", - دەلىنگەن جازبادا.

وسىلايشا ءزۇلفيا سۇلەيمەنوۆا بىرقاتار اتقارىلعان جۇمىستاردى سانامالاپ اتادى. سۋ ماسەلەسى بويىنشا قىتاي حالىق رەسپۋبليكاسى مينيسترىمەن، وزبەكستان اتقامىنەرلەرىمەن جۇرگىزىلگەن اسا ماڭىزدى كەلىسسىوزدەردەن دەرەك كەلتىردى. سونداي-اق، ەكس-مينيستر ارال تەڭىزىندە سۋ اعىنىنىڭ ۇلعايۋى تۋرالى ايتتى: قاڭتاردان تامىزعا دەيىن سولتۇستىك ارالعا 1,6 ملرد تەكشە مەتردەن استام سۋ ءتۇستى (وتكەن جىل ىشىندە – 800 ملن تەكشە مەتر), سونداي-اق، جامبىل وبلىسىندا ەگىن شىعىنىن ازايتۋ جانە ت. ب ماسەلەلەر تۋراسىندا ايتىلدى. بۇرىنعى ەكولوگيا ءمينيسترى ءوز جازباسىمەن جۇيەلى جۇمىستاردىڭ جالعاسىن تابۋىنا تىلەكتەستىك تانىتىپ، جوسپارلى ىستەردى جاڭادان قۇرىلعان باسقارماعا "اماناتتاعانداي" اسەر قالدىرادى. ەستەرىڭىزگە سالا كەتەيىك، بۇعان دەيىن ەكولوگيا جانە تابيعي رەسۋرستار مينيسترلىگىنەن سۋ رەسۋرستارى جانە يرريگاتسيا مينيسترلىگى بولىنگەن ەدى. ەكولوگيا مينيسترلىگىن ەرلان نىسانباەۆ، سۋ رەسۋرستارى مينيسترلىگىن نۇرجان نۇرجىگىتوۆ باسقاردى. ءزۇلفيا سۇلەيمەنوۆا 2023 جىلعى 4 قاڭتاردا قازاقستاننىڭ ەكولوگيا جانە تابيعي رەسۋرستار ءمينيسترى بولىپ تاعايىندالدى. وسى جىلدىڭ 1 قىركۇيەگىندە مەملەكەت باسشىسىنىڭ جارلىعىمەن اتالمىش قىزمەتتەن بوساتىلدى.

"ادىرنا" ۇلتتىق پورتالى