وسك. قوسانوۆ كونستيتۋتسيا تالاپتارىنا ساي

1454
Adyrna.kz Telegram

30 ساۋىردە قازاقستان ورتالىق سايلاۋ كوميسسياسى (وسك) پرەزيدەنتتىككە كانديدات بولۋعا ۇمىتكەر ءامىرجان قوسانوۆتىڭ كونستيتۋتسيا تالاپتارىنا ساي ەكەنى تۋرالى قاۋلى شىعاردى. وسك قاۋلىسىنا سايكەس، قوسانوۆقا قول جيناۋ ءۇشىن قول قويۋ پاراقتارى بەرىلەدى.

ورتالىق سايلاۋ كوميسسياسىنىڭ دەرەگىنشە، قازاقستاندا 11 814 019 ازاماتتىڭ داۋىس بەرۋگە قۇقىعى بار.

زاڭ بويىنشا، پرەزيدەنتتىكتەن ۇمىتكەردى سايلاۋشىلاردىڭ كەمىندە ءبىر پايىزى قولداۋى ءتيىس، ياعني، ءار كانديدات 118 140 سايلاۋشىدان قول جيناپ وتكىزۋى كەرەك. ولاردىڭ قول جيناۋعا 11 مامىرعا دەيىن ۋاقىتى بار. كانديداتتاردى تىركەۋ 11 مامىردا ساعات 18.00-گە دەيىن جالعاسادى. كانديداتتى تىركەۋ كەزەڭى اياقتالعان سوڭ ۇگىت-ناسيحات كەزەڭى باستالادى جانە سايلاۋعا ءبىر كۇن قالعاندا اياقتالادى.

29 ساۋىردە "ۇلت تاعدىرى" قوزعالىسىنىڭ ۇمىتكەرى ءامىرجان قوسانوۆتىڭ ءتىل سىناعىنان وتكەنى حابارلانعان. قازاقستاندا كەزەكتەن تىس پرەزيدەنت سايلاۋى 9 ماۋسىمدا وتەدى. ۇمىتكەرلەردى ۇسىنۋ 28 ساۋىردە اياقتالدى. كانديداتتاردى تىركەۋ 11 مامىردا اياقتالادى.

ساياسي پارتيالار مەن قوعامدىق بىرلەستىكتەر ۇسىنعان بارلىق ۇمىتكەردىڭ ەسىمى:

سادىبەك تۇگەل - "ۇلى دالا قىراندارى" رەسپۋبليكالىق قوزعالىسى​
قاسىم-جومارت توقاەۆ - "نۇر وتان" پارتياسى
امانگەلدى تاسپيحوۆ - قازاقستان كاسىپوداقتار فەدەراتسياسى
دانيا ەسپاەۆا - "اق جول" پارتياسى
تولەۋتاي راقىمبەكوۆ - "اۋىل" پارتياسى
جامبىل احمەتبەكوۆ - قازاقستان كوممۋنيستىك حالىق پارتياسى
ءامىرجان قوسانوۆ - "ۇلت تاعدىرى" قوزعالىسى
جۇماتاي اليەۆ - "حالىق دەموگرافياسى" قوعامدىق بىرلەستىگى
جسدپ پرەزيدەنت سايلاۋىنا بويكوت جاريالادى. ال قازاقستان ءماجىلىسىنىڭ بۇرىنعى دەپۋتاتى، قازاقستان قۇرىلىسشىلارى وداعى پرەزيدەنت سايلاۋىنا ۇمىتكەر رەتىندە ۇسىنعان تالعات ەرعاليەۆ قۇجاتتارىن قايتارىپ الدى.

"ازاتتىق" راديوسى

پىكىرلەر