قىرعىزستاندا جامبىل وبلىسىنىڭ تۇرعىنىن ءولتىردى دەگەن كۇدىككە ىلىنگەن قازاقستان ازاماتى ۇستالدى. بۇل تۋرالى قىرعىزستاننىڭ ىشكى ىستەر مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، قاشقىن حالىقارالىق ىزدەۋدە بولعان.
2022 جىلدىڭ 25 قىركۇيەگىندە جامبىل وبلىسى شۋ اۋداندىق اۋرۋحاناسىنا 23, 25 جانە 26 جاستاعى ءتورت جىگىت وق جاراقاتىمەن تۇسكەن. كەيىن ولاردىڭ ءبىرى جانساقتاۋ بولىمىندە قايتىس بولدى. "ادام ءولتىرۋ" بابى بويىنشا قىلمىستىق ءىس قوزعالدى. كوپ ۇزاماي كۇدىكتىلەر ۇستالدى، بىراق بىرەۋى قاشىپ ۇلگەرىپ، وعان حالىقارالىق ىزدەۋ جاريالاندى.
بەلگىلى بولعانداي، ول قىرعىزستان اۋماعىندا جاسىرىنىپ جۇرگەن. وسى جىلدىڭ 21 تامىزىندا بىشكەك قالاسىندا بەت-الپەتىن تانۋ مۇمكىندىگى بار بەينەباقىلاۋ كامەرالارى ىزدەۋدە جۇرگەن ازاماتتى انىقتادى. وقيعا ورنىنا بارعان لەنين اۋدانى كۇزەت ءبولىمىنىڭ قىزمەتكەرلەرى ء(ىىم كۇزەت قىزمەتى) ساۋدا كەشەندەرىنىڭ ءبىرىنىڭ اۋماعىندا ىزدەۋدە جۇرگەن قازاقستان ازاماتى ەكەنى انىقتالعان ەر ادامدى ۇستادى", - دەپ حابارلادى قىرعىزستاننىڭ ىشكى ىستەر مينيسترلىگى.ۇستالعاننان كەيىن ەر ادام اۋداندىق ميليتسيا باسقارماسىنا تاپسىرىلدى. الايدا سول كۇنى كەشكە ول ساراپتامادان وتۋگە جەتكىزىلگەن مەديتسينالىق مەكەمەنىڭ اۋماعىنان قاشىپ ۇلگەرگەن.
بىراق 29 تامىزدا ىشكى ىستەر ورگاندارىنىڭ قىزمەتكەرلەرى قاشقىن قازاقستاندىقتىڭ تۇرعان جەرىن انىقتادى. ول جالدامالى پاتەردە جاسىرىنىپ جۇرگەن. سول جەردە ونى پوليتسيا قىزمەتكەرلەرى قىرعىزستانداعى ينتەرپول بيۋروسىنىڭ قىزمەتكەرلەرىمەن بىرگە ۇستادى، - دەدى مينيسترلىكتەگىلەر.ايتا كەتسەك، ۇستالعان ازامات 2000 جىلى تۋعان قازاقستاننىڭ جامبىل وبلىسى شۋ اۋدانىنىڭ تۇرعىنى بولىپ شىقتى.
ۇقساس جاڭالىقتار
