الماتىلىق «قايرات» وسىعان دەيىن ەۋرودودالاردا يسپاندىقتاردى ەكى مارتە ۇتقان بولاتىن.
26 ساۋىردەن 28 ءساۋىر ارالىعىندا «الماتى-ارەنا» سپورت كەشەنىندە فۋتزالدان چەمپيوندار ليگاسىنىڭ جارتىلاي فينالى مەن فينالى وتەدى. بايراقتى باسكە ەۋروپانىڭ قازىرگى ەڭ مىقتى دەگەن ءتورت كومانداسى جولداما الدى.
ءبىرىنشى جارتىلاي فينالدا «سپورتينگ» (پورتۋگاليا) جانە «ينتەر» (يسپانيا) وينايدى. ماتچ 18:45-تە. ال 21: 30-دا قازاقستاندىق «قايرات» جانە «بارسەلونا» يسپانيا وينايدى.
الماتىدا «قايرات» ءوز قارسىلاستارىن جەڭۋگە مۇمكىندىگى بار. بۇعان قوسا وتكەن جىلدا كوماندالار اراسىنداعى وسى تۋرنير شەڭبەرىندە كەزدەسۋلەر وتكىزىلىپ، قازاقستاندىق فۋتبولشىلار الەمدەگى ەڭ مىقتى ويىنشىلارعا قارسى تۇرا الاتىنىن دالەلدەگەن بولاتىن.
"قايراتتىڭ" بۇگىنگى قارسىلاسى «بارسەلونامەن» الماتىلىقتار 2012/13 جانە 2014/15 ماۋسىمدارىندا ەكى رەت ويناعان بولاتىن. ءبىرىنشى ويىندا قازاقستاندىقتار تۇڭعىش رەت 5: 4 ەسەبىمەن جەڭىپ، فينالعا شىققان بولاتىن. ەكىنشى رەت - ۋەفا كۋبوگىنىڭ فينالىندا 3: 2 ەسەبىمەن جەڭدى.
ايتا كەتەيىك، بيىلعى جىلى «قايرات» «ەليتالىق تۋردىڭ» D توبىنداعى ءبىرىنشى ورىننان «تورتتىك فينالىنا» ءوتتى. ءبىزدىڭ ويىنشىلار يتاليالىق «پەسكارانى» 4: 1 ەسەبىمەن، بەلورۋستىق «ءليدتى» - 7: 2 جانە چەحيانىڭ «حرۋديم» كومانداسىن - 4: 2 ەسەبىمەن جەڭدى.
نارىن قالي
"ادىرنا" ۇلتتىق پورتالى
