اق دالادا اقبۋرالى اقبۋرىل قارت. جىن مەن جىر ارالاس الەمنىڭ جەلكەنىن كوتەرگەن جاعالى مىنەز، اعالى ءسوزدىڭ اقساقالى.
بيلىكتەن بولەك، بايلىقتان الىس ۇلتىمەن بىرگە. دالانى مەكەن ەتكەن تاعى تەكتەس، تامىرى ءتاڭىر ءور جۇرتتىڭ ءوز تۋىسى. قورقىتتان بيىك! قاشۋعا بەيىمى جوق، اشۋعا ءيىنى كوك... ولىممەن وزەگى ءبىر، اجالدان دا ادۋىندى. حانداردان قاھارلى، زامانداردان دا زاھارلى!
ءسوزى-شال جەبەنىڭ ۋعا مالىنعان، ساقتالعان ساقارلى ساۋعاسى. ۇلتىنا ءدارى ىزدەگەن ءدارۋىش! دوريفۋتادزۋ... دارىدەن دە اسىل، ودان دا ارتىق... قۇداي مەن تاعدىر عانا بەرە الار-جەر جوقتاۋشىسى! ەل جوقشىسى!
قازاق جەرىندەگى بار ماقۇلىقاتتىڭ جاناشىرى! -قۇيرىعى جوق، جالى جوق قۇلان قايتىپ كۇن كورەر؟ جەتىمى وتتا قالعان، بۇگىنگى ەل ساناسى بارماعان سارى جۇرتتىڭ سوڭعى ساف التىنى! وزىنە كۇن سۇراعان بۇگىنگى جازارمان ەمەس، قىرداعى تاعىعا قۇن سۇراعان-ءامىرشى قازى! بيىك، اسقاق، پاڭ، قۇزار شىڭ... كورەر كوز ەمەس، ويلاۋعا مي شارشايدى! انا حاننىڭ قاسىندا، مىنا حاننىڭ قاسىندا دەگەن دەرەكتىڭ ءبارى تىم ارزان... سەندىرمەيدى. ءوز ۇيىنە ارەڭ جەتەر جيرەنشە-ساراي اقىندارىنىڭ باسى...
ەي حان، مەن ايتپاسام بىلمەيسىڭ! ءسوز تورەسى وسى! حاندار وتكىنشى. كوبىك تەكتەس كوبەكتەر. اسان قايعى-ماڭگىلىك... تەك ءبىز ءسال ۇمىتا باستادىق! جەر ساتقان بيلىك كەزىندە... جەرىمىزدى جاماعان جالماۋىز كەمپىر سەكىلدى... نونسەنس!
