Aq dalada aqbýraly aqbýryl qart. Jyn men jyr aralas Álemniń jelkenin kótergen jaǵaly minez, aǵaly sózdiń aqsaqaly.
Bılikten bólek, baılyqtan alys ultymen birge. Dalany meken etken taǵy tektes, tamyry Táńir ór jurttyń óz týysy. Qorqyttan bıik! Qashýǵa beıimi joq, ashýǵa ıini kók... Ólimmen ózegi bir, ajaldan da adýyndy. Handardan qaharly, zamandardan da zaharly!
Sózi-shal jebeniń ýǵa malynǵan, saqtalǵan saqarly saýǵasy. Ultyna dári izdegen dárýish! Dorıfýtadzý... Dáriden de asyl, odan da artyq... Qudaı men Taǵdyr ǵana bere alar-Jer Joqtaýshysy! El Joqshysy!
Qazaq jerindegi bar maqulyqattyń JANAShYRY! -QUIRYǴY JOQ, JALY JOQ QULAN QAITYP KÚN KÓRER? Jetimi otta qalǵan, búgingi El sanasy barmaǵan sary jurttyń sońǵy saf Altyny! Ózine kún suraǵan búgingi jazarman emes, qyrdaǵy taǵyǵa qun suraǵan-Ámirshi Qazy! Bıik, asqaq, pań, quzar shyń... Kórer kóz emes, oılaýǵa mı sharshaıdy! Ana hannyń qasynda, myna hannyń qasynda degen derektiń bári tym arzan... Sendirmeıdi. Óz úıine áreń jeter Jırenshe-saraı aqyndarynyń basy...
EI HAN, MEN AITPASAM BILMEISIŃ! Sóz tóresi osy! Handar ótkinshi. Kóbik tektes kóbekter. Asan Qaıǵy-Máńgilik... Tek biz sál umyta bastadyq! Jer satqan bılik kezinde... Jerimizdi jamaǵan jalmaýyz kempir sekildi... Nonsens!
