جەتىسۋ وبلىسىنداعى تاس جولدا جول اپاتىنان 2 ادام قايتىس بولدى. بۇل تۋرالى polisia.kz جاريالادى، دەپ حابارلايدى “ادىرنا” ۇلتتىق پورتالى.
جول اپاتى كوكسۋ اۋدانىندا Volkswagen Passat اۆتوكولىگىنىڭ قاتىسۋىمەن بولدى. 41 جاستاعى ەر ادام باسقارعان شەتەلدىك كولىك الماتى-وسكەمەن تاس جولىنىڭ 203 شاقىرىمىندا جول بويىنداعى تەمىر قورشاۋعا سوعىلدى.
وقيعا ورنىندا جۇرگىزۋشى مەن ونىڭ 39 جاستاعى جولاۋشىسى قازا تاپتى. تاعى ءۇش جولاۋشى جاقىن ماڭداعى اۋرۋحاناعا جەتكىزىلىپ، مەديتسينالىق تەكسەرۋدەن كەيىن امبۋلاتوريالىق ەمدەلۋگە جىبەرىلدى، دەلىنگەن حابارلامادا.
جول-كولىك وقيعاسى، بولجام بويىنشا، جۇرگىزۋشىنىڭ شارشاپ، كولىك تىزگىنەندە قالعىپ كەتۋىنە بايلانىستى بولعان.
