قىرعىزستاندا سانيتارلىق تەكسەرۋدەن وتپەگەن بارلىق مەشىت جابىلادى. بۇل تۋرالى بۇگىن، 25 تامىزدا ۇلتتىق قاۋىپسىزدىك جونىندەگى مەملەكەتتىك كوميتەت ايتتى, دەپ حابارلايدى «ادىرنا» ءتىلشىسى.
باسقارما ءدىني مەكەمەلەردى تەكسەرۋ ءدىن سالاسىنداعى مەملەكەتتىك ساياسات تۇجىرىمداماسىن جۇزەگە اسىرۋ اياسىندا جۇرگىزىلىپ جاتقانىن ايتتى.
«كەيبىر مەشىتتە، اتاپ ايتقاندا، ءورت قاۋىپسىزدىگى ەرەجەلەرى مەن سانيتارلىق-گيگيەنالىق نورمالاردى ساقتاماۋ بويىنشا زاڭ بۇزۋشىلىقتار انىقتالدى. جاقىن ارادا رەسپۋبليكالىق دەڭگەيدە تەكسەرۋ ۇيىمداستىرىلادى. جۇقپالى اۋرۋلاردىڭ پايدا بولۋى مەن تارالۋىنا بايلانىستى كەلەڭسىز سالداردىڭ الدىن الۋ ءۇشىن ستاندارتتارعا سايكەس كەلمەيتىن مەشىتتەر جابىلادى»،—دەپ ءتۇسىندىردى كوميتەت.ايتا كەتەيىك، بۇعان دەيىن قىرعىزستاندا 60 مەشىت پەن مەدرەسە جابىلعانىن جازعان ەدىك.
ۇقساس جاڭالىقتار
