2023 جىلى قازاقستاندا 88 مەشىت جاڭادان اشىلدى. بۇل تۋرالى قمدب مەشىت ىستەرى ءبولىمىنىڭ مەڭگەرۋشىسى مارات جاپپاسباەۆ باياندادى، دەپ حابارلايدى «ادىرنا» ءتىلشىسى.
«قازىرگى تاڭدا ەلىمىز بويىنشا جالپى 2854 مەشىت، 357 نامازحانا جۇمىس ىستەپ تۇر. ونىڭ 21-ءى ورتالىق، وكىلدىك مەشىتتەرى، 406-سى قالالىق مەشىت، 165-ءى اۋداندىق مەشىت، 2262-ءسى اۋىلدىق مەشىت. 2023 جىلى 88 مەشىت جاڭادان اشىلىپ، 294 مەشىتتىڭ قۇرىلىسى جۇرگىزىلۋدە. ال 353 مەشىت كۇردەلى جوندەۋدەن ءوتتى»،—دەدى ول.
