2023 جىلدىڭ 9-14 قازان كۇندەرى قر مادەنيەت جانە سپورت مينيسترلىگىنىڭ قولداۋىمەن قۇرمانعازى اتىنداعى قازاق ۇلتتىق حالىق اسپاپتارى وركەسترىنىڭ ۇيىمداستىرۋىمەن الماتى قالاسىندا قۇرمانعازى اتىنداعى XII رەسپۋبليكالىق حالىق اسپاپتارىندا ورىنداۋشىلار كونكۋرسى وتەدى.
اسقان تالانت يەسى، قازاقتىڭ قايتالانباس ءبىرتۋار تۇلعالارىنىڭ ءبىرى قۇرمانعازىنىڭ ەسىمىن جاستار اراسىندا ناسيحاتتاپ، ونىڭ قالدىرعان وشپەس مۇرالارىن جاڭعىرتۋعا ارنالعان كونكۋرس 1987 جىلدان بەرى ءداستۇرلى تۇردە ءوتىپ كەلەدى. رەسپۋبليكالىق بايقاۋ بيىل قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ 90 جىلدىق مەرەيتويىمەن سايكەس كەلىپ وتىر. باس جۇلدە قورى 1 500 000 تەڭگە. ۇلتتىق وركەستردىڭ مەرەيتويىنا وراي، كونكۋرستىڭ باس جۇلدەسى «دومبىرا» جانە «پريما قوبىز» اسپاپتارى بويىنشا تابىستالادى.
كونكۋرسقا «دومبىرا»، «شەرتەر» ء(ۇش شەكتى دومبىرا), «قىلقوبىز»، «پريما قوبىز» جانە «سىرناي» (بايان، اككوردەون) اسپاپتارىندا شەبەر وينايتىن 16-دان 40 جاسقا دەيىنگى تالانتتى ونەرپازدار قاتىسا الادى.
كونكۋرستىڭ سالتاناتتى اشىلۋى – 9 قازاندا، ال 14 قازاندا – ۇلتتىق وركەستردىڭ عيماراتىندا كونكۋرس جەڭىمپازدارىن ماراپاتتاۋ ءراسىمى جانە قۇرمانعازى وركەسترىنىڭ قاتىسۋىمەن گالا-كونتسەرتپەن وتەتىنى جوسپارلانعان.
وتىنىمدەردى قابىلداۋ konkurs_kurmangazy2023@mail.ru ەلەكتروندى پوشتاسى ارقىلى 15 قىركۇيەككە دەيىن جالعاسادى.
