2023 jyldyŋ 9-14 qazan künderı QR Mädeniet jäne sport ministrlıgınıŋ qoldauymen Qūrmanǧazy atyndaǧy Qazaq ūlttyq halyq aspaptary orkestrınıŋ ūiymdastyruymen Almaty qalasynda Qūrmanǧazy atyndaǧy XII Respublikalyq halyq aspaptarynda oryndauşylar konkursy ötedı.
Asqan talant iesı, qazaqtyŋ qaitalanbas bırtuar tūlǧalarynyŋ bırı Qūrmanǧazynyŋ esımın jastar arasynda nasihattap, onyŋ qaldyrǧan öşpes mūralaryn jaŋǧyrtuǧa arnalǧan konkurs 1987 jyldan berı dästürlı türde ötıp keledı. Respublikalyq baiqau biyl Qūrmanǧazy atyndaǧy Qazaq ūlttyq halyq aspaptar orkestrınıŋ 90 jyldyq mereitoiymen säikes kelıp otyr. Bas jülde qory 1 500 000 teŋge. Ūlttyq orkestrdıŋ mereitoiyna orai, konkurstyŋ bas jüldesı «Dombyra» jäne «Prima qobyz» aspaptary boiynşa tabystalady.
Konkursqa «Dombyra», «Şerter» (üş şektı dombyra), «Qylqobyz», «Prima qobyz» jäne «Syrnai» (baian, akkordeon) aspaptarynda şeber oinaityn 16-dan 40 jasqa deiıngı talantty önerpazdar qatysa alady.
Konkurstyŋ saltanatty aşyluy – 9 qazanda, al 14 qazanda – Ūlttyq orkestrdıŋ ǧimaratynda konkurs jeŋımpazdaryn marapattau räsımı jäne Qūrmanǧazy orkestrınıŋ qatysuymen gala-konsertpen ötetını josparlanǧan.
Ötınımderdı qabyldau konkurs_kurmangazy2023@mail.ru elektrondy poştasy arqyly 15 qyrküiekke deiın jalǧasady.
