Resei Federasiiasynyŋ Almatydaǧy bas konsuly Evgenii Bobrov Qazaqstanda orys synyptary azaiyp jatqanyna ministrlıktı kınälady. Būl turaly ol TASS agenttıgıne bergen sūhbatynda aitty, dep habarlaidy “Adyrna” ūlttyq portaly.
Konsuldyŋ aituynşa, soŋǧy jyldary orystıldı mektepter men synyptar qysqarǧan. Oǧan sebep, qazaq tılınde oqytatyn bırınşı synyp oquşylaryna arnalǧan baǧdarlamadan «orys tılı» pänınıŋ alynyp tastaluy qoǧamda bıraz alaŋdauşylyq tudyrdy deidı.
Sondai-aq, ol būǧan Qazaqstandaǧy orys ūltynyŋ eldegı üles salmaǧy 15,2%-ǧa deiın azaiuuy ǧana emes, sonymen qatar «Oqu-aǧartu ministrlıgınıŋ qazaq tılıne negızdelgen memlekettık oqu baǧdarlamasyn özgertuge erekşe nazar audaruy» yqpal etıp otyrǧanyn aitqan.
«Tıl saiasaty, Resei men Qazaqstannyŋ bılım beru jäne mädeni bastamalardy qoldau salasyndaǧy yntymaqtastyǧy Qazaqstandaǧy orystıldı mädeniettıŋ bailyǧyn saqtauǧa jäne ūlt bırlıgın nyǧaituǧa kömektesedı», – dedı Bobrov.Degenmen, Qazaqstan Prezidentı Qasym-Jomart Toqaevtyŋ 2023 jyldy TMD elderınde orys tılı jyly dep jariialau turaly bastamasy bar. Tıptı, soŋǧy mälımetter boiynşa, Qazaqstan orys mektepterınıŋ sany boiynşa (tıptı aralas mektepterdı eseptemegende) Ortalyq Aziiada köşbasşy bolyp otyr. Al Reseide bırde-bır qazaq mektebı joq.
Ūqsas jaŋalyqtar
