ۇلتتىق مۇددە مەن حالىقتىڭ ءال-اۋقاتىنا نەگىزدەلگەن ۇلتتىق ەكونوميكالىق مودەل قانداي بولۋى كەرەك؟ ۇكىمەت ەكونوميكالىق سەكتوردى نەگە ەركىنە جىبەرمەي وتىر؟ وسى تۋرالى «ادىرناعا» بەرگەن سۇحباتىندا ەكونوميست ماقسات حالىق اڭگىمەلەپ بەردى.
ول قاڭتار وقيعاسى قايتالانباس ءۇشىن حالىقتىڭ ءال-اۋقاتىن كوتەرۋ ۇنەمى ۇكىمەتتىڭ باستى نازارىندا بولۋى كەرەك دەپ ەسەپتەيدى. ساراپشى بۇعان قوسا قىسىم كورسەتىلگەن جاعدايدا كاسىپكەرلەر قۇقىعىن قورعاۋ، وندىرىستىك ساياسات، قىمباتشىلىقتىڭ الدىن الۋ ماسەلەلەرىنە توقتالعان.
