الماتى وبلىسىنىڭ بۇرىنعى اكىمى، مەملەكەت جانە قوعام قايراتكەرى اڭسار مۇساحانوۆ ومىردەن ءوتتى. قارالى حاباردى سەنات دەپۋتاتى جانبولات جۇرگەنباەۆ جەتكىزدى، دەپ حابارلايدى "ادىرنا" ۇلتتىق پورتالى.
اڭسار تۇرسىنحانۇلى مۇساحانوۆ 1966 جىلى دۇنيەگە كەلگەن. ول اۋىل شارۋاشىلىعى سالاسىندا ەڭبەك جولىن باستاپ، جامبىل جانە قاراساي اۋداندارىنىڭ اكىمى، الماتى وبلىسىنىڭ اكىمى، قر پرەزيدەنتى اكىمشىلىگىنىڭ مەملەكەتتىك ينسپەكتورى، قر پارلامەنتى سەناتىنىڭ دەپۋتاتى سىندى قىزمەتتەردى اتقاردى.
«ومىردە بولمىسى بولەك، ۇستانىمى بەرىك ازامات ەدى. حالقىنا بەرەر پايداسى مول تۇلعا بولاتىن. ول ءوزىنىڭ ادال ەڭبەگىمەن، پاراساتتىلىعىمەن ەل قۇرمەتىنە بولەندى»، – دەپ ەسكە الدى سەناتور جانبولات جۇرگەنباەۆ.
