قازاقستان پرەزيدەنتىنە ۇمىتكەر جانە قازىرگە مەملەكەت باسشىسى قاسىم-جومارت توقاەۆ ورتالىق سايلاۋ كوميسسياسىنىڭ لينگۆيستيكالىق كوميسسياسىنا قازاق تىلىنەن ەمتيحان تاپسىردى دەپ حابارلايدى KAZ.NUR.KZ.
"بۇگىن لينگۆيستيكالىق كوميسسيا ءوز جۇمىسىن باستاپ، ءبىرىنشى بولىپ پرەزيدەنتتىككە باستى ۇمىتكەر، قازىرگى ۋاقىتتاعى پرەزيدەنت قاسىم-جومارت توقاەۆتان ەمتيحان الدىق", - دەدى قازاقستاننىڭ پرەزيدەنتتىگىنە كانديداتتىڭ مەملەكەتتىك ءتىلدى ەركىن مەڭگەرگەنىن انىقتايتىن لينگۆيستيكالىق كوميسسيا توراعاسى مىرزاتاي جولداسبەكوۆ.
ول مەملەكەت باسشىسىنا "اباي قۇنانبايۇلىنىڭ پوەزياسى. قارا سوزدەرى" تاقىرىبى تۇسكەنىن ايتتى.
ء"بىرىنشى شىعارما جازعاندا ابايدىڭ پوەزياسى، قارا سوزدەرى، ونىڭ جالپى حالىققا بەرەتىن ماڭىزى تۋرالى بۇگىنگى ۇمىتكەرىمىز تەرەڭ تولعادى. وتە ادەمى جۇمىس.
ءبىز بۇل جۇمىستان بىردە-ءبىر قاتە كورگەنىمىز جوق. شەرحان مۇرتازانىڭ "مىڭبۇلاق" اڭگىمەلەر مەن حيكاياتتار جيناعىنىڭ ءۇش بەتىن وقىدى. مانەرلەپ، ىرعاعىمەن وتە ادەمى وقىپ بەردى.
ال "قازىرگى قازاقستاننىڭ گەوساياساتى" جايىندا كەڭ تولعادى، تەرەڭ سويلەدى. جالپى ءبىزدىڭ لينگۆيستيكالىق كوميسسيانىڭ بەرگەن قورىتىندىسى: قاسىم-جومارت كەمەلۇلى توقاەۆ مەملەكەتتىك ءتىلدى تولىق، جان-جاقتى مەڭگەرگەن", - دەدى كوميسسيا توراعاسى.
