ءىس-شاراعا جاستار قوزعالىستارى، كوشباسشىلار، قوعام بەلسەندىلەرى، جاستار ۇيىمدارى قاتىسادى. حالىقارالىق جاستار كۇنىن مەرەكەلەۋ اياسىندا الماتىدا 18 ءىس-شارا وتەدى.
ونىڭ ىشىندە: NEET ساناتىنداعى جاستار اراسىنداعى كيبەرسپورت بويىنشا چەمپيونات، كونكۋرستىڭ قورىتىندىسىن جاريالاۋ جانە «تاۋەلسىزدىك ۇرپاقتارى» گرانتتارىن تاپسىرۋ، اشىق اسپان استىنداعى كينو كەشتەرى، پودكاست جازبالارى، جاستار چەللەندجدەرى مەن قالالىق كۆەستتەر، زياتكەرلىك كۆەستتەر، اشىق ەسىك كۇندەرى، «Jaz Energy» fest, الماتى قالاسى اكىمدىگى جانىنداعى جاستار ءىسى جونىندەگى كەڭەستىڭ وتىرىسى، سەنبىلىكتەر جانە ت.ب.
وڭىرلىك كوممۋنيكاتسيالار قىزمەتىنىڭ بريفينگىندە الماتى قالاسى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك بيىلعى مەرەكە ءۇش باعىت بويىنشا وتەتىنىن اتاپ ءوتتى.
«بيىل جاستار كۇنىن مەرەكەلەۋ يدەياسى «جاستار بىرگە» ۇرانىنا نەگىزدەلگەن. بيىل جاستار ساياساتى باسقارماسىندا جاستار كۇنىن وتكىزۋدە كوپتەگەن ۇيىمدار شوعىرلاندىرىلدى، ويتكەنى جاستار كۇنىن جاستاردىڭ وزدەرى ۇيىمداستىرا الادى. سوندىقتان 18 ءىرى ءىس-شارانى ۇيىمداستىرۋعا 25-تەن استام ءتۇرلى ۇيىم، قوعامدىق پىكىر كوشباسشىلارى، جاستار كوشباسشىلارى تارتىلدى», - دەدى ول.
«جاستار ەلگە» ءبىرىنشى باعىتى بويىنشا قايىرىمدىلىق جانە ەرىكتىلەر اكتسيالارىن وتكىزۋ جوسپارلانۋدا. وسى باعىت بويىنشا ءىس-شارالار تۇراقتى نەگىزدە وتكىزىلەتىن بولادى. باستى نازار قازىر وتكىزىلىپ جاتقان 7-دەن 9-عا دەيىنگى ءىس-شاراعا اۋدارىلادى. ەكىنشى باعىتتا – «جاستار - مەملەكەت دامۋىنىڭ نەگىزگى درايۆەرى»، جاستارعا ارنالعان مەملەكەتتىك باعدارلامالار بويىنشا ءىس-شارالار جالعاساتىن بولادى، ولاردىڭ اراسىندا «دارىن» مەملەكەتتىك سىيلىعى جانە باسقالارى بار. 11-12 تامىز ارالىعىندا قالادا اۋقىمدى فەستيۆالدار مەن كونتسەرتتىك باعدارلامالار وتەدى.
ءىس-شاراعا جاستار قوزعالىستارى، كوشباسشىلار، قوعام بەلسەندىلەرى، جاستار ۇيىمدارى قاتىسادى. باسقارما اتالعان ءىس-شارالارعا قاتىسۋ جاستار ءۇشىن قولجەتىمدى بولادى دەپ اتاپ ءوتتى. ءىس-شارالاردىڭ تولىق تىزىمىمەن jasalmaty.kz سايتىندا جانە باسقارمانىڭ الەۋمەتتىك جەلىلەرىندە تانىسۋعا بولادى.
اقپارات: Almaty.tv
