سولتۇستىك قازاقستان وبلىسى پرەزيدەنت شىرشاسىنا سىيلىق الۋدى باستادى

5590
Adyrna.kz Telegram
https://adyrna.kz/content/uploads/2023/08/4ba446ca-01fd-4675-b0ae-ce875bf6c37f.jpeg

سولتۇستىك قازاقستان وبلىسى اكىمدىگىنىڭ ءبىلىم باسقارماسى قازاقستان رەسپۋبليكاسى پرەزيدەنتىنىڭ اتىنان 2024 جىلعى شىرشاعا ارنالعان جاڭا جىلدىق سىيلىقتاردى (پلانشەتتەر) ساتىپ الۋدى باستادى، - دەپ حابارلايدى «ادىرنا» ۇلتتىق پورتالى goszakup.gov.kz سايتىنا سىلتەمە جاساپ.

سولتۇستىك قازاقستان وبلىسىنىڭ ءبىلىم باسقارماسى پرەزيدەنتتىڭ اتىنان جاڭا جىلدىق سىيلىقتاردى ساتىپ الۋدى التى اي بۇرىن، ماۋسىم ايىندا باستاعان.

وبلىستىق ءبىلىم باسقارماسى ماۋسىم ايىنىڭ 30-ى كۇنى 2024 جىلى شىرشاعا ارنالعان پرەزيدەنتتىڭ جاڭا جىلدىق سىيلىقتارىن (پلانشەتتەر) ساتىپ الۋعا 14 285 714 تەڭگە ءبولىپ، تەندەر جاريالاعان. باعا ۇسىنۋ تارتىبىمەن وتكەن تەندەردىڭ قورىتىندىسى 10 شىلدە كۇنى شىعىپ، جەڭىمپاز انىقتالماعان. ارتىنشا، 15 شىلدە كۇنى اتالعان لوتتى ءبىر كوزدەن «اراي1216» كومپانياسى ۇتىپ العان.

تەندەردىڭ تەحنيكالىق سيپاتتاماسىندا سىيلىقتار شارتقا قول قويىلعان كۇننەن

باستاپ 15 كۇنتىزبەلىك كۇن ىشىندە سولتۇستىك قازاقستان وبلىسى، پەتروپاۆل قالاسى، قازاقستان كونستيتۋتسيا كوشەسى 60 ۇيگە جەتكىزىلۋى كەرەكتىگى كورسەتىلگەن. سونداي-اق، ءبىلىم باسقارماسى بولگەن 14 285 714 تەڭگە قارجىعا 200 دانا پلانشەت ساتىپ الىنعان. ءار پلانشەتتىڭ قۇنى – 71 428 تەڭگە، 57 تيىندى قۇرايدى.

قازاقستانداعى بۇقارالىق اقپارات قۇرالدارى تاۋەلسىزدىك كۇنى جاڭا جىل مەرەكەسىنىڭ كولەڭكەسىندە قالىپ قوياتىنىن جىلدا سىنايدى. سول سىندارعا بايلانىستى مەملەكەتتىك مەكەمەلەر جاڭا جىلدىق شىرشانى تاۋەلسىزدىك مەرەكەسىنەن كەيىن ورناتۋدى قولعا الدى. سولتۇستىك قازاقستاننىڭ ءبىلىم باسقارماسى سونىڭ ءبىرىن دە ەلەمەي، جاڭا جىلعا پرەزيدەنتتىڭ اتىنان سىيلىقتار الۋدى 5-6 اي بۇرىن باستاپ كەتۋىنىڭ استارىندا نە جاتىر؟

ءسىز نە دەيسىز؟

قانات بىرلىكۇلى

“ادىرنا” ۇلتتىق پورتالى

پىكىرلەر