Soltüstık Qazaqstan oblysy äkımdıgınıŋ Bılım basqarmasy Qazaqstan Respublikasy Prezidentınıŋ atynan 2024 jylǧy şyrşaǧa arnalǧan jaŋa jyldyq syilyqtardy (planşetter) satyp aludy bastady, - dep habarlaidy «Adyrna» ūlttyq portaly goszakup.gov.kz saityna sılteme jasap.
Soltüstık Qazaqstan oblysynyŋ Bılım basqarmasy Prezidenttıŋ atynan jaŋa jyldyq syilyqtardy satyp aludy alty ai būryn, mausym aiynda bastaǧan.
Oblystyq Bılım basqarmasy mausym aiynyŋ 30-y künı 2024 jyly şyrşaǧa arnalǧan Prezidenttıŋ jaŋa jyldyq syilyqtaryn (planşetter) satyp aluǧa 14 285 714 teŋge bölıp, tender jariialaǧan. Baǧa ūsynu tärtıbımen ötken tenderdıŋ qorytyndysy 10 şılde künı şyǧyp, jeŋımpaz anyqtalmaǧan. Artynşa, 15 şılde künı atalǧan lotty bır közden «ArAi1216» kompaniiasy ūtyp alǧan.
Tenderdıŋ tehnikalyq sipattamasynda syilyqtar şartqa qol qoiylǧan künnen bastap 15 küntızbelık kün ışınde Soltüstık Qazaqstan oblysy, Petropavl qalasy, Qazaqstan Konstitusiia köşesı 60 üige jetkızıluı kerektıgı körsetılgen. Sondai-aq, bılım basqarmasy bölgen 14 285 714 teŋge qarjyǧa 200 dana planşet satyp alynǧan. Är planşettıŋ qūny – 71 428 teŋge, 57 tiyndy qūraidy.
Qazaqstandaǧy būqaralyq aqparat qūraldary Täuelsızdık künı Jaŋa jyl merekesınıŋ köleŋkesınde qalyp qoiatynyn jylda synaidy. Sol syndarǧa bailanysty memlekettık mekemeler Jaŋa jyldyq şyrşany täuelsızdık merekesınen keiın ornatudy qolǧa aldy. Soltüstık Qazaqstannyŋ Bılım basqarmasy sonyŋ bırın de elemei, jaŋa jylǧa Prezidenttıŋ atynan syilyqtar aludy 5-6 ai būryn bastap ketuınıŋ astarynda ne jatyr?
Sız ne deisız?
Qanat Bırlıkūly
“Adyrna” ūlttyq portaly
