بيلەت قۇنىن نەگىزسىز وسىرگەنى ءۇشىن Air Astana اۋە كومپانياسىنا 7 ملرد تەڭگەگە جۋىق اكىمشىلىك ايىپپۇل سالىندى، دەپ حابارلايدى «ادىرنا» ءتىلشىسى.
باسەكەلەستىكتى قورعاۋ جانە دامىتۋ اگەنتتىگى حالىقتىڭ اۆيابيلەتتەر باعاسىنىڭ ۇزدىكسىز وسۋىنە، اسىرەسە جوعارى سۇرانىس كەزەڭىندە قاتتى سىنعا الۋىنا بايلانىستى كولىك پروكۋراتۋراسى ورگاندارىمەن بىرلەسىپ، كومپانيا قىزمەتىنە تەكسەرىس جۇرگىزدى.
«تەكسەرۋ قورىتىندىسى بويىنشا Air Astana ءىس-ارەكەتتەرىندە اۆياتاسىمالدار نارىعىنداعى ۇستەم جاعدايدى تەرىس پايدالانۋ فاكتىلەرى اشكەرە بولىپ، ءاربىر اۆيابيلەتتەن جانارماي الىمىن نەگىزسىز العانى انىقتالدى.
2023 جىلدىڭ 8 ماۋسىمىندا الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى Air Astana-عا قاتىستى 6,7 ملرد تەڭگە كولەمىندە اكىمشىلىك ايىپپۇل سالدى.
سوت شەشىمى زاڭدى كۇشىنە ەنگەن جوق»،—دەدى باسقارما.
