الماتى-تاشكەنت اۆتوجولىنىڭ 181 شاقىرىمىندا Toyotا Camri جەڭىل اۆتكولىك (مەملەكەتتىك نومەرى 811 IJA 02) وسى باعىتتا ءجۇرىپ بارا جاتقان Mersedes-Bens 814 ( 209HOA 08) جۇك كولىگىنىڭ ارتىنا سوعىلعان. اپات سالدارىنان جەڭىل كولىكتە وتىرعان ايەل وقيعا ورنىندا كوز جۇمدى. سول ساتتە شىمكەنت قالاسىنان الماتى قالاسىنا بەت العان Van Hool ( مەملەكەتتىك نومەرى 8213 FA 13) اۆتوبۋسى اپاتقا ۇشىراعان كولىكتى اينالىپ وتپەك بولىپ، اۋدارىلىپ كەتتى. اۆتوبۋستاعى 46 جولاۋشىنىڭ 8-ءى وقيعا ورنىندا قازا بولدى. 46 ازاماتتىڭ 44-ءى وزبەكستان ازاماتتارى، 2-ءى قازاقستاندىق.
وقيعا ورنىنا جەدەل تۇردە قورداي اۋدانىنىڭ اكىمى، جەدەل جاردەم، توتەنشە جاعداي قىزمەتتەرى جەتىپ، زارداپ شەككەندەردى وتار، قوردايداعى اۋرۋحانالارعا جەتكىزدى.
اپاتقا ۇشىراعانداردىڭ 2-ەۋى اۋرۋحاناعا جەتپەي كوز جۇمعانى بەلگىلى بولدى. سونىمەن اپات سالدارىنان 11 ادام قازا تاپتى. سونداي-اق 5 ادام وتا ۇستەلىندە، ال 3 ادام جان ساقتاۋ بولىمىندە جاتىر. جاراقات العان باسقا جولاۋشىلارعا ءتيىستى كومەك كورسەتىلۋدە. زارداپ شەككەندەرگە جەدەل كومەك كورسەتۋگە وبلىس اكىمدىگىنىڭ دەنساۋلىق باسقارماسىنىڭ باسشىسى م. جۇمانقۇلوۆ باستاعان 3 وتاشى-دارىگەر تىكۇشاقپەن قورداي اۋدانىنا جەتكىزىلدى.
ورىن العان وقيعاعا قاتىستى ارنايى كوميسسيا قۇرىلدى. ونىڭ قۇرامىندا وبلىس اكىمىنىڭ ءبىرىنشى ورىنباسارى ب.ورىنبەكوۆ، وبلىستىق پوليتسيا دەپارتامەنتىنىڭ باستىعى ا.ورازاليەۆ، باسقا دا ءتيىستى لاۋازىم يەلەرى بار. كوميسسيا وقيعانىڭ ورنىنا بارىپ، جول-كولىك وقيعاسىنىڭ ءمان-جايىن انىقتاپ، زارداپ شەككەندەرگە ساپالى كومەك كورسەتۋدى ۇيىمداستىرۋدا. سونىمەن بىرگە وقيعا ورنىندا وبلىس پروكۋرورى ج.قۇسايىنوۆ جۇمىس جاساۋدا.
اپاتقا قاتىستى قازاقستان رەسپۋبليكاسى قىلمىستىق كودەكسىنىڭ 345 بابىنىڭ 4 تارماعىنا ساي قىلمىستىق ءىس قوزعالدى.
شىمكەنت-الماتى. جانتۇرشىگەرلىك جول اپاتى. 11 ادام قايتىس بولدى
20.04.2019
1913
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз