قازاقستان قۇراماسىندا ونەر كورسەتكەن ۆولەيبولشى داۋرەن احمەتوۆ مەدالدارىن ساتۋعا قويدى. ول بۇل تۋرالى Facebook جەلىسىندە جازدى، دەپ حابارلايدى «ادىرنا» ءتىلشىسى.
32 جاستاعى پاراليمپياداشى بۇل ارەكەتكە قاتەرلى ىسىككە شالدىققان اناسىنا كومەكتەسۋ ءۇشىن بارعان.
«وپەراتسياعا اقشا جيناپ جاتىرمىن. باعاسى كەلىسىم بويىنشا»،—دەپ ءتۇسىندىردى ول.داۋرەن احمەتوۆ — قازاقستان رەسپۋبليكاسى كۋبوگىنىڭ ەكى دۇركىن يەگەرى، كۋالا-لۋمپۋردە وتكەن جاسوسپىرىمدەر پارا ازيا ويىندارىنىڭ قولا جۇلدەگەرى، قازاقستان رەسپۋبليكاسى چەمپيوناتتارىنىڭ، پاراليمپيادا جانە سپارتاكيادالاردىڭ بىرنەشە دۇركىن جۇلدەگەرى، حالىقارالىق جارىستاردىڭ جەڭىمپازى، ۆولەيبولدان قولا جۇلدەگەر، جاعاجاي ۆولەيبولىنان قازاقستان رەسپۋبليكاسى چەمپيوناتىنىڭ كۇمىس جۇلدەگەرى. ونى 2009 جىلى كولىك قاعىپ كەتىپ، ەكى اياعىنان ايىرىلعان بولاتىن. بۇعان دەيىن سپورتشى مۇگەدەكتىگىنە بايلانىستى تۇراقتى جۇمىس تابا المايتىنىن ايتقان ەدى.
ۇقساس جاڭالىقتار
