Qazaqstan qūramasynda öner körsetken voleibolşy Däuren Ahmetov medaldaryn satuǧa qoidy. Ol būl turaly Facebook jelısınde jazdy, dep habarlaidy «Adyrna» tılşısı.
32 jastaǧy paralimpiadaşy būl äreketke qaterlı ısıkke şaldyqqan anasyna kömektesu üşın barǧan.
«Operasiiaǧa aqşa jinap jatyrmyn. Baǧasy kelısım boiynşa»,—dep tüsındırdı ol.Däuren Ahmetov — Qazaqstan Respublikasy Kubogynyŋ ekı dürkın iegerı, Kuala-Lumpurde ötken Jasöspırımder Para Aziia oiyndarynyŋ qola jüldegerı, Qazaqstan Respublikasy chempionattarynyŋ, Paralimpiada jäne Spartakiadalardyŋ bırneşe dürkın jüldegerı, halyqaralyq jarystardyŋ jeŋımpazy, voleiboldan qola jüldeger, jaǧajai voleibolynan Qazaqstan Respublikasy chempionatynyŋ kümıs jüldegerı. Ony 2009 jyly kölık qaǧyp ketıp, ekı aiaǧynan aiyrylǧan bolatyn. Būǧan deiın sportşy mügedektıgıne bailanysty tūraqty jūmys taba almaitynyn aitqan edı.
Ūqsas jaŋalyqtar
