استانادا سالىنىپ جاتقان تۇرعىن ءۇي قۇرىلىسىنىڭ 15 قاباتىنان قۇلاعان 2 جۇمىسشى قازا تاپتى، دەپ حابارلايدى «ادىرنا» ءتىلشىسى.
قالالىق پوليتسيا دەپارتامەنتىنىڭ ايتۋىنشا، قايعىلى وقيعا 10 تامىزدا بولعان.
«الماتى اۋداندىق پوليتسيا ءبولىمىنىڭ كەزەكشى بولىمىنە «A-City» تۇرعىن ءۇي كەشەنىنىڭ قۇرىلىس وبەكتىسىندە بيىكتەن ەكى ادامنىڭ قۇلاعانى تۋرالى حابارلاما كەلىپ ءتۇستى. ا.بايتۇرسىنوۆ كوشەسىندە سالىنىپ جاتقان 20 قاباتتى تۇرعىن ءۇي كەشەنى قاسبەتتىك جۇمىستاردى جۇرگىزۋ كەزىندە مونتاجداۋ كابەلىنىڭ ءۇزىلۋى سالدارىنان 15-ءشى قابات بيىكتىكتەن 2 جۇمىسشىنىڭ قۇلاعانى انىقتالدى. ەكەۋى دە وقيعا ورنىندا قازا تاپتى. ولاردىڭ جاسى 20 جانە 27-دە بولعان»،—دەپ ءتۇسىندىردى باسقارما.
قازىرگى تاڭدا اتالعان فاكتى بويىنشا قىلمىستىق كودەكستىڭ 277-بابى 3-بولىگى بويىنشا سوتقا دەيىنگى تەرگەۋ ءجۇرىپ جاتىر.
