قىزىلوردا وبلىسىندا جوعالعان قىزدىڭ ءولى دەنەسى تابىلدى، دەپ حابارلايدى “ادىرنا”.
قىزىلوردا وبلىسىنىڭ قارماقشى اۋداندىق پوليتسياسىنا جەتى جاسار قىزىنىڭ جوعالىپ كەتكەنى تۋرالى تۇرماعانبەت اۋىلىنىڭ تۇرعىنى ارىزدانعان. ەر ادامنىڭ ايتۋىنشا، جەتى جاسار ءبۇلدىرشىن 6 تامىز كۇنى كەشكە ۇيدەن شىعىپ كەتىپ، قايتا ورالماعان.
اتا-اناسى مەن تۋىستارى قىزدى ءوز بەتىمەن ىزدەپ كورگەنىمەن، ناتيجە بولماعان سوڭ پوليتسياعا حابار بەرگەن.
جوعالعان ادامدى ىزدەۋگە قارماقشى رجب جەكە قۇرامى، توتەنشە جاعدايلار دەپارتامەنتى، اۋدان اكىمدىگىنىڭ قىزمەتكەرلەرى، ەرىكتىلەر جۇمىلدىرىلعان. بارلىعى 60-تان استام ادام ىزدەۋگە قاتىستى ءارى ەكى درون دا قولدانىلعان.
جوعالعان قىزدىڭ دەنەسى بۇگىن ساعات 13:00-دە Ubis ارناسىنان تابىلدى. دەنەسىندە ەشقانداي زورلىق-زومبىلىق بەلگىلەرى جوق. الدىن الا بولجام بويىنشا، قىز كانالعا باتىپ كەتكەن.
ۇقساس جاڭالىقتار
