شەنەۋنىكتەردىڭ مەرزىمىن كەشىكتىرگەن اكتىلەرى انىقتالدى

2023 جىلدىڭ باسىنان بەرى مەملەكەتتىك ساتىپ الۋلار بويىنشا لاۋازىمدى تۇلعالاردىڭ 245 ملرد تەڭگەگە مەرزىمىن كەشىكتىرگەن اكتىلەرى انىقتالدى، دەپ حابارلايدى “ادىرنا” ۇلتتىق پورتالى  KazTAG-قا سىلتەمە جاساپ. «تالداۋ كورسەتكەندەي، 2023 قارجى جىلىندا جالپى سوماسى 245,1 ملرد تەڭگەگە مەرزىمى ءوتىپ كەتكەن 19 670 ەلەكتروندىق اكت انىقتالدى، ورتاشا كەشىكتىرۋ 24 كۇندى قۇراپ وتىر»، - دەلىنگەن حابارلامادا. “اتامەكەن” ۇكپ «ادىلدىك جولى»-مەن بىرلەسىپ تاپسىرىس بەرۋشىلەر ەلەكتروندى اكتىلەرگە ۋاقتىلى قول قويۋ بولىگىندە مەملەكەتتىك ساتىپ الۋ مونيتورينگىنىڭ ناتيجەلەرىن قارجى مينيسترلىگىنە ۇسىنعان. «ەلەكتروندىق اكتىگە ۋاقتىلى قول قويماۋ تاپسىرىس بەرۋشىنىڭ كەلىسىم-شارت بويىنشا ءوز مىندەتتەمەلەرىن ورىنداماۋى بولىپ تابىلادى جانە ءوز كەزەگىندە كاسىپكەرلەر ءۇشىن قولما-قول اقشانىڭ جەتىسپەۋشىلىگى تاۋەكەلدەرىنە اكەلەدى. ال بۇل سالىقتى ۋاقتىلى تولەۋ، نەسيەنى قايتارۋ مەرزىمىن بۇزۋ، جالاقىنى تولەمەۋ جانە ت.ب.»، - دەدى «اتامەكەن» ۇكپ رەتتەلمەلى ساتىپ الۋلار دەپارتامەنتىنىڭ باسقارۋشى ديرەكتورى-ديرەكتورى رۋسلان شوقاەۆ. ۇلتتىق پالاتانىڭ ءباسپاسوز مالىمەتىنشە، «ساتىپ الۋدىڭ بىرىڭعاي تەرەزەسى» پورتالى قازاقستاننىڭ بەس ءىرى ساۋدا الاڭىنداعى اقپاراتپەن ءبىر ۋاقىتتا جۇمىس ىستەۋگە ارنالعان. «تىركەۋ كەزىندە ەلىمىزدىڭ بارلىق مەملەكەتتىك مەكەمەلەرىنىڭ، جەر قويناۋىن پايدالانۋشىلاردىڭ، ۇلتتىق كومپانيالاردىڭ، دامۋ ينستيتۋتتارىنىڭ جانە اۋىل شارۋاشىلىعى سەكتورىنىڭ ساتىپ الۋ جوسپارلارىن كورۋگە بولادى. بۇل الەۋەتتى جەتكىزۋشىلەردى تەندەرلەرگە قاتىسۋعا دايىنداۋ ماقساتىندا تاۋارلار، جۇمىستار مەن قىزمەتتەر نارىعىن ۋاقتىلى باعالاۋعا ىقپال ەتەدى»، - دەپ تولىقتىردى ۇكپ.