ليتۆا مەملەكەتى رەسەي فەدەراتسياسى مەن بەلارۋسسيانىڭ 1164 ازاماتىنا ۋكرايناعا قارسى سوعىستى قولداعانى ءۇشىن ۆيزا بەرۋدەن باس تارتتى. "سوعىس جاقتاۋشىلارى" رەسپۋبليكانىڭ قاۋىپسىزدىگىنە قاۋىپ ءتوندىردى دەپ تانىلدى، دەپ حابارلايدى "ادىرنا" ۇلتتىق پورتالى.
رەسەي فەدەراتسياسىنىڭ ۋكرايناعا قارسى باسقىنشىلىق قادامدارى باستالعاننان بەرى ليتۆا بيلىگى سوعىستى قولدايتىن 1100-دەن استام رەسەيلىكتەر مەن بەلورۋستارعا ۇلتتىق ۆيزالار مەن ەلدە تۇرۋعا رۇقسات بەرۋدەن باس تارتتى. سوعىس جاقتاۋشىلارىنىڭ ليتۆاعا قاۋىپ توندىرەتىنى ايتىلىپ، ەلگە كىرۋگە تىيىم سالىنعان. بۇل تۋرالى 4 تامىزدا ليتۆانىڭ كوشى-قون دەپارتامەنتى حابارلادى.
دەپارتامەنتتىڭ حابارلاۋىنشا، ۆيزا نەمەسە تۇرۋعا ىقتيارحات بەرۋ بارىسىندا رەسەي مەن بەلارۋسسيانىڭ بارلىق ەرەسەك ازاماتتارى ساۋالناما تولتىرۋى ءتيىس. ساۋالنامادا ءوتىنىش بەرۋشىنىڭ سوعىسقا قاتىستى كوزقاراسى سۇرالادى. رەسەي فەدەراتسياسىنىڭ ۋكرايناعا قارسى اشقان سوعىسىنا بايلانىستى كوزقاراسىن ءبىلدىرۋ تالاپ ەتىلەدى.ساۋالناما بويىنشا، قازىردە 910 بەلارۋس ازاماتى جانە 254 رەسەي ازاماتى ليتۆاعا قاۋىپ توندىرەدى دەگەن قورىتىندى شىعارىلعان.
"ادىرنا" ۇلتتىق پورتالى
