مەنىڭ ويىمشا قازاقستاندى باسقارۋ قازىرگى جۇيە بويىنشا وتە وڭاي سەكىلدى. مىسالى، جاقىندا تۇركيادا سايلاۋ ءوتتى. ەردوعاندى قانشا جەردەن اۆتوكرات دەسەك تە ستامبۋل، انكارا، يزمير، انتاليا سىندى ۇلكەن قالالاردىڭ بارلىعىندا اتاتۇرىك قۇرعان وپپوزيتسيالىق CHP پارتياسى جەڭىسكە جەتتى. سايلاۋ قورىتىندىسى بويىنشا ءىرى قالالار وپپوزيادان شىققان اكىمدەردىڭ باسقارۋىنا ءوتتى. سايلاۋ پروتسەسى بارىسىندا وتكەن ساياسي دەباتتار مەن تارتىستاردا ەسەپ جوق. قارسىلاستار ءبىر-ءبىرىنىڭ كەمشىلىگى مەن قىزمەتتەگى ولقىلىقتارىن، قاتەلىكتەرىن xالىقتىڭ الدىندا دالەلدەپ، ساياسي كۇرەس بارىنشا قايناعان ناۋقان بولدى. پرەزيدەنت ەردوعاننىڭ ەڭ جاقىن ساياسي سەرىكتەسى، بۇرىنعى پرەمەر-مينيستر بينالى يىلدىرىم ستامبۋل قالاسى ءۇشىن تارتىستا وپپوزيتسيانىڭ سەركەسىنە 28 500 داۋىس ايىرماشىلىعىمەن جەڭىلدى.
ءوزىم تۇركيادا وقىعاندىقتان بىزبەن سالىستىراتىن نارسە كوپ ارينە. مىسالى، جاقىندا قازاقستاندا پرەزيدەنت سايلاۋى. استانادا لرت (مەترو) سالۋدىڭ توقتاتىلعانى، قۇرىلىس جوسپارىندا قىتايمەن اراداعى كەلىسىم-شارتتا باعانىڭ بيۋدجەتتە 2-3 ەسە كوبەيتىلىپ كورسەتىلگەنى بەلگىلى بولدى. ءدال وسى جەردە قىتايمەن مۇنداي ءتيىمسىز كەلىسىمگە كەلۋگە ۇكىمەت قالاي جول بەردى؟ بيلىكتىڭ قاي وكىلى مۇنداي باسسىز قۇجاتقا قول قويدى دەگەن زاڭدى سۇراق تۋىندايدى. بىراق، مەن ءبىزدىڭ بيلىك تاراپىنان "قاپ، سايلاۋ كەزىندە xالىقتىڭ الدىندا ساياسي ۇپاي جوعالتاتىن بولدىق-اۋ. ەرتەڭ وسى نەگاتيۆ اقپاراتتىڭ كەسىرىنەن پرەزيدەنت سايلاۋىندا وپپوزيتسيانىڭ وكىلى بيلىككە كەلۋى مۇمكىن-اۋ" دەپ تەرلەپ-تەپشىپ، xالىقپەن جۇمىس جاساپ جۇرگەن بيلىك وكىلدەرىن كورىپ تۇرعان جوقپىن. تۋراسىن ايتقاندا بىزدەگى ساياسي جۇيە قۇرىلىس ساپاسىنىڭ تومەندىگى كەسىرىنەن مەترو تۇگىلى استاناداعى عيماراتتاردىڭ تەڭ جارتىسى قۇلاپ قالسا دا ءبارىبىر "نۇر وتان" جەڭەتىن سيستەما عوي. ۆووبششە پاريتسيا ەتىپ وتىرعان بيلىك جوق. ونىمەن تالاسىپ وتىرعان وپپوزيتسيا دا جوق. "اياقتا بوتي ماعان پو@ي" دەگەن ساياسي جۇيە! راxات قوي!
مىسالى، ەرتەڭ ەلباسى پرەزيدەنتتىككە "نۇر وتاننىڭ" اتىنان كانديدات رەتىندە كىمدى ۇسىنسا دا ەليتانىڭ بارلىعى قولدايدى. تابان استىندا ليۋبوي كانديداتىڭدى قولداپ شىعار ءسوز تابادى. بۇكىل زيالى مەن ساياسي ەليتا توقاەۆ شىقسا "ول دا سۋپەر", داريعا شىقسا "ەلباسىنىڭ تاڭداۋى بۇل دا سۋپەر" دەيتىن راxات ءومىر.
بۇلاردان بولەك قانداي كەن ورنىنىڭ بايلىعى قانداي شارتتارمەن ينۆەستورلارعا بەرىلدى، جىلىنا قانشا تابىس تۇسەدى ەشكىم پرەزيدەنتتەن كونكرەتنو ەشتەڭە سۇراي المايدى. سپروس جوق! ۆوت، پرەزيدەنت بولساڭ 5-6 مۇناي كەنىن سات تا، 20% وتكاتىن وفشورعا اۋدارا سال. كىم سەنى تەكسەرەدى؟ پارلامەنت پا؟ ۇكىمەت پا؟ پروكۋرور ما؟ مۇمكىن سوت؟.. ءبارىن تاعايىنداعان ءوزىڭ، ءبىر سيستەماداعى ادامدار تەكسەرىپ ولە الماي ءجۇر مە؟
مەنىڭ ويىمشا ەلباسى 30 جىل قازاقستاندى بىلاي دا ءبىر، ولاي دا ءبىر توڭكەرىپ، جاتقىزىپ، تۇرعىزىپ وت دۋشي بيلەدى. كەلەسى قازاقستان پرەزيدەنتتەرى ەلباسى زامانىنداعى xالىقتىڭ قاراڭعىلىعىنا قىزعانىشپەن قارايتىن شىعار.
باۋىرجان سەرىكباەۆ
