مەگاپوليس بۇۇ-نىڭ تۇراقتى دامۋ ماقساتتارىنا قول جەتكىزۋ بويىنشا ءوز تاريحىندا العاشقى ەرىكتى جەرگىلىكتى شولۋعا دايىندالۋدا، دەپ حابارلايدى Almaty.tv.
الماتى بۇۇ تۇراقتى دامۋ ماقساتتارىنا قول جەتكىزۋ تۋرالى ەسەپ بەرە باستاعان العاشقى قازاقستاندىق قالا بولماق. قر ۇلتتىق دەڭگەيدە العاش رەت 2019 جىلدىڭ جازىندا، ەكىنشى رەت 2022 جىلدىڭ جازىندا بۇۇ تجم ىسكە اسىرۋ بويىنشا ەرىكتى ۇلتتىق شولۋىن ۇسىندى. الماتى 2023 جىلدىڭ سوڭىنا قاراي ءوز شولۋىن جاريالاۋعا دايىندالۋدا. قۇجاتتى ازىرلەۋ 2023 جىلدىڭ مامىر ايىنىڭ سوڭىندا باستالدى.
ۇلتتىق جانە ايماقتىق دەڭگەيدە دە مۇنداي شولۋلار قاتىسۋشىلاردىڭ بۇۇ تدم-عا قول جەتكىزۋگە دەگەن ىزگى نيەتى مەن دايىندىعىنىڭ بەلگىسى رەتىندە، سونىمەن قاتار قول جەتكىزىلگەن ناتيجەلەردى ۇسىنۋ ءۇشىن جاسايتىن ەسەپتىلىگىن بىلدىرەدى. شولۋلار ەلدەر مەن قالالارعا تاجىريبە الماسۋعا، مەملەكەتتىك مەكەمەلەر دەڭگەيىندە ورنىقتى دامۋ ساياساتىن دامىتۋعا جانە نىعايتۋعا جاردەمدەسۋگە، كوپجاقتى ارىپتەستىكتى دامىتۋ ءۇشىن العىشارتتار جاساۋعا كومەكتەسەدى.
بۇۇ تدم-عا قول جەتكىزۋ بويىنشا الماتىنىڭ ەرىكتى جەرگىلىكتى شولۋىن ازىرلەۋشى «الماتى قالاسىن دامىتۋ ورتالىعى» اق (ادو) – تۇراقتى الەۋمەتتىك-ەكونوميكالىق دامۋ جونىندەگى قالانىڭ نەگىزگى ينستيتۋتى بولىپ تابىلادى.
ادو بۇل جۇمىستى تۇتاستاي العاندا قالانىڭ دامۋىمەن تىعىز بايلانىستى ءوزىنىڭ دامۋ باعدارلاماسىن ىسكە اسىرۋ اياسىندا جۇرگىزەدى. باعدارلاما الماتىنىڭ دامۋىن جاھاندىق كۇن تارتىبىمەن جانە بۇۇ تدم مىندەتتەرىمەن ۇندەستىرۋگە باعىتتالعان. بۇل كورسەتكىشتەردىڭ ەگجەي-تەگجەيلى جۇيەسىنىڭ ارقاسىندا جەرگىلىكتى اتقارۋشى ورگاندار جۇرگىزەتىن جۇمىستىڭ تيىمدىلىگىن نەعۇرلىم ناقتى جۇيەلەۋگە جانە جاقسىراق باعالاۋعا، سونىمەن بىرگە بۇل قالاعا ءوزىنىڭ تانىلۋىن ارتتىرۋعا، جاڭا سەرىكتەستەر مەن ينۆەستورلاردى تارتۋعا مۇمكىندىك بەرەدى.
ەرىكتى جەرگىلىكتى شولۋ «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» نەگىزگى باعىتتارىنا، ماقساتتارى مەن مىندەتتەرىنە نەگىزدەلەدى.
شولۋ شەڭبەرىندە بۇۇ تدم ناقتى مىندەتتەرىن شەشۋگە باعىتتالعان قالانى دامىتۋ باعدارلاماسىنىڭ جوبالارىنا - بۇل جوبالار ادامي، قارجىلىق جانە وزگە دە رەسۋرستاردى قالاي جۇمىلدىراتىنىنا، سونىمەن قاتار، قالانىڭ ءومىر ءسۇرۋ ساپاسى مەن ومىرشەڭدىگىن ارتتىرۋعا باسا نازار اۋدارىلادى.
بۇل رەتتە، مەگاپوليس ماقساتقا ساي بولۋى ءتيىس – 2022 جىلى بۇۇ باس اسسامبلەياسىنىڭ وتىرىسىندا قازاقستان پرەزيدەنتى قاسىم-جومارت توقاەۆ پەن بۇۇ باس حاتشىسى انتونيۋ گۋتەرريش الماتىدا بۇۇ-نىڭ ايماقتىق حابىن اشۋ تۋرالى كەلىسىمگە قول جەتكىزدى.
انىقتاما ءۇشىن:
تۇراقتى دامۋ ماقساتتارى (تدم) – كەدەيلىك پەن جوقشىلىقتى جويۋعا، تەڭسىزدىك پەن ادىلەتسىزدىكپەن كۇرەسۋگە، عالامشاردى قورعاۋعا جانە بۇكىل حالىق ءۇشىن بەيبىتشىلىك پەن وركەندەۋدى قامتاماسىز ەتۋگە باعىتتالعان جاھاندىق قابىلدانعان ماقساتتار. 2030 جىلعا دەيىن 17 نەگىزگى باعىت تاڭدالدى، ولاردى ىسكە اسىرۋ ەلدى ءومىردىڭ بارلىق نەگىزگى سالاسىنىڭ تۇراقتى دامۋىنا جانە وسى الەمدەگى ءاربىر ادامعا قاتىستى جاھاندىق ماسەلەلەردى شەشۋگە اكەلۋى مۇمكىن.
تدم ىسكە اسىرۋ جانە وعان قول جەتكىزۋ ۇدەرىسى بۇۇ وكىلدەرى تاراپىنان دا، قازاقستان رەسپۋبليكاسى ۇكىمەتى تاراپىنان دا تۇراقتى مونيتورينگتە تۇر. تدم-عا ءتيىمدى قول جەتكىزۋ ءۇشىن ورنىقتى دامۋ سالاسىنداعى ماقساتتارعا قول جەتكىزۋ كورسەتكىشتەرى بويىنشا مەكەمەارالىق جانە ساراپتامالىق توپ (مۋەگ - تدم) بۇۇ-عا مۇشە ءاربىر مەملەكەت ءۇشىن وسى ينديكاتورلاردى ۇلتتاندىرۋ مۇمكىندىگىمەن جاھاندىق ينديكاتورلار جۇيەسىن ازىرلەدى. بۇگىندە تدم-عا قول جەتكىزۋ بويىنشا قازاقستاننىڭ مونيتورينگ جۇيەسى 280 ينديكاتوردى قامتيدى، ونىڭ ىشىندە 205 جاھاندىق جانە 75 ۇلتتىق ينديكاتور.
قازاقستان رەسپۋبليكاسىنىڭ مەملەكەتتىك جوسپارلاۋ جۇيەسىنە سايكەس تدم مىندەتتەرىن شەشۋ قازاقستاننىڭ 2050 جىلعا دەيىنگى دامۋ ستراتەگياسىمەن قاتار جوعارى باسىمدىق بولىپ تابىلادى.
