Qasym-Jomart Toqaev Pákistan prezıdenti Arıf Alvı atyna jedel hat joldady. Eldiń soltústik-batysynda bolǵan lańkestik shabýyl saldarynan kóptegen azamattyń qaza tabýyna baılanysty basý aıtyp, zardap shekkenderdiń saýyǵyp ketýine tilektestik bildirdi, dep habarlaıdy "Adyrna" ulttyq portaly.
Resmı aqpardy Aqorda taratty. Jedel hatta:
"Memleket basshysy Qazaqstan halqynyń jáne jeke óz atynan jaqyndarynan aıyrylǵan otbasylarǵa qaıǵyra kóńil aıtty, sondaı-aq zardap shekkenderdiń tezirek saýyǵyp ketýine tilektestik bildirdi", - dep jazylǵan.
Eske sala keteıik, Pákistanda Djamıat Ýlema Islam-Fazl (JUI-F) ıslam partııasynyń jalpyulttyq parlament saılaýy qarsańynda ótkizgen sezi kezinde jarylys boldy. Saldarynan 44 adam qaza tapty.
"Adyrna" ulttyq portaly
