Pavlodarda qarbyzdyń arasynan esirtki tabyldy. Bul týraly Ishki ister mınıstrligi esirtki qylmysyna qarsy is-qımyl departamenti bastyǵynyń orynbasary Asqar Muhametqalıev aıtty, dep habarlaıdy “Adyrna” ulttyq portaly.
Málimet boıynsha, esirtki Reseıge jetkizilmek bolǵan.
Bıylǵy shildede Pavlodar – Omby baǵytyndaǵy jolda arnaıy jasaqtyń kómegimen júk kóligin tizgindegen 54 jastaǵy Qyrǵyzstan azamaty ustaldy. Júk kóligini Volvo markaly tirkemesinde Qyrǵyzstannan Reseıge jetkizilýi tıis qarbyzben qosa, 59 kılogramm «geroın» salynǵan 21 polıetılendi orama jáne 10 kılogramm «gashısh» salynǵan eki orama anyqtalyp, tárkilendi, – dedi Asqar Muhametqalıev.
Aqparat boıynsha, bul shamamen 250 myń bir rettik doza, onyń qara naryqtaǵy quny 2,5 mıllıon dollardan asady. QR QK-niń 286-baby 4-bóligi boıynsha sotqa deıingi is júrgizý bastaldy.
Qazirgi ýaqytta osy esirtki qylmysynyń ózge qatysýshylary men uıymdastyrýshylaryn, sondaı-aq esirtki jetkizýdiń basqa da yqtımal arnalaryn anyqtaý boıynsha jumys júrgizilýde, – dedi Asqar Muhametqalıev.
Al qylmysty uıymdastyrýshynyń múlki tárkilenip, 20 jylǵa deıin bas bostandyǵynan aıyrý jazasy kózdeledi.
