"2023 جىلعى 10 مامىردا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، Respublica پارتياسىنىڭ فراكتسيا مۇشەسى نۇرگۇل تاۋ ەلىمىزدىڭ پرەمەر-مينيسترىنە دەپۋتاتتىق ساۋال جولداعان بولاتىن. ساۋال قازاقستاندىقتاردىڭ بالالار، جاسوسپىرىمدەر مەن جاستار اراسىندا ۆەيپتەردىڭ تارالۋىن توقتاتۋدى تالاپ ەتكەن ۇندەۋلەرىنە نەگىزدەلگەن", – دەلىنگەن حابارلامادا.
دەپۋتاتتىڭ ايتۋىنشا، ۆەدومستۆاارالىق كوميسسيا مۇشەلەرىنىڭ بارلىعى دەرلىك ءبىراۋىزدان ۆەيپتەردىڭ قولدانىسىنا تىيىم سالۋ كەرەك دەپ سانايدى (12 قارسى 2). ولار ۆەيپتەردى ساتۋعا، اكەلۋگە، ەكسپورتتاۋعا جانە وندىرۋگە قارسى جانە مۇنى تولىق توقتاتۋ قاجەت ەكەندىگىن بىلدىرگەن.
قارجى مينيسترلىگىنىڭ مالىمەتىنشە، سوڭعى ەكى جىلدا ۆەيپ اينالىمى 300 ەسەگە وسكەن. سوڭعى بىرنەشە جىلدا بالالار مەن جاسوسپىرىمدەر اراسىندا ۆەيپ تۇتىنۋ ايتارلىقتاي وسكەن. 2,5 جىل ىشىندە ەلىمىزگە 3 ميلليونعا جۋىق ۆەيپ اكەلىنگەن.
"ادىرنا" ۇلتتىق پورتالى
