قازاقستاندا توتەنشە جاعدايلار مينيسترلىگى ورتكە قارسى قىزمەت كوميتەتىنىڭ باسشىسى مەن بىرنەشە جوعارى لاۋازىمدى تۇلعالار قاماۋعا الىندى، دەپ حابارلايدى “ادىرنا” ءتىلشىسى قر سىبايلاس جەمقورلىققا قارسى كۇرەس اگەنتتىگىنە سىلتەمە جاساپ.
رەسمي مالىمدەمەدە:
«استانا قالاسىنىڭ اۋدانارالىق تەرگەۋ سوتى قازاقستان رەسپۋبليكاسى توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسىنا، شىمكەنت قالاسى جانە جەتىسۋ وبلىسى توتەنشە جاعدايلار دەپارتامەنتىنىڭ باسشىلارىنا قاتىستى «قاماۋ» تۇرىندەگى بۇلتارتپاۋ شاراسىن سانكتسيالادى»، - دەلىنگەن حابارلامادا.
قازىرگى تاڭدا “كۇدىكتى” دەپ تانىلعان تۇلعالاردىڭ وزگە دە سىبايلاس جەمقورلىق قىلمىستارىنا قاتىستىعى تەكسەرىلىپ جاتىر.
«ولار كاسىپكەرلەردەن ءورت قاۋىپسىزدىگى سالاسىنداعى مەتسەناتتىق قىزمەتى ءۇشىن جۇيەلى تۇردە پارا الدى، تەكسەرىلەتىن ۇيىمداردى كەلىسىم-شارت جاساسۋ ارقىلى ولاردىڭ قىزمەتتەرىن ساتىپ الۋعا ماجبۇرلەدى، سونداي-اق ولاردىڭ اقىسىن ۋاقتىلى تولەۋدى قامتاماسىز ەتتى دەگەن كۇدىككە ءىلىندى. پارا سوماسى 100 مىڭنان 4 ميلليون تەڭگەگە دەيىن بولعان. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى»، - دەپ مالىمدەيدى.
