شىمكەنتتە LRT سالىنۋى مۇمكىن. بۇل جوبا قالانىڭ باس جوسپارىنا ەنگەن. وسى جايىندا شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى باسشىسىنىڭ مىندەتىن ۋاقىتشا اتقارۋشى نۇربول جۇنىسبەكوۆ ايتتى، دەپ حابارلايدى “ادىرنا” ۇلتتىق پورتالى.
قالامىز جەڭىل رەلستى كولىكپەن قامتىلۋى مۇمكىن. باس جوسپاردا وسى جوبا قاراستىرىلعان. ياعني بۇل جوبا قالاعا قاجەت بولسا، بولاشاقتا جۇزەگە اسىرىلۋى ىقتيمال، - دەدى ن.جۇنىسبەكوۆ ءباسپاسوز ءماسليحاتىندا.
سونداي-اق، ول جەڭىل رەلستى جولدار باتىس، شىعىس، وڭتۇستىك، سولتۇستىك باعدارلار بويىنشا قيىلىسىپ جۇرگىزىلەدى.
قازىر بۇل جوباعا اسىعىستىق جوق. تۇرعىندار سانىنىڭ كوبەيۋىنە قاراي قاراستىرىلادى. 2035 جىلعا قاراي كولىك پروبلەماسى شەشىلمەي جاتسا، وسى جوبا ىسكە اسىۋى مۇمكىن. سوندىقتان بۇل جوبا ناقتى قاشان ىسكە اساتىنى بەلگىسىز. جوسپاردا 2035-2050 جىلدار قاراستىرىلعان، - دەدى باسقارما وكىلى.
ەسكە سالايىق، بىلتىر شىلدە ايىندا شىمكەنت قالاسىنىڭ اكىمى مۇرات ايتەنوۆ قالانىڭ باس جوسپارىنا لرت جانە برت قۇرىلىسى ەنگىزىلگەنىن ايتتى.
