مەملەكەت باسشىسى قاسىم-جومارت توقاەۆتىڭ جارلىعىمەن پرەزيدەنت اكىمشىلىگىنىڭ جاڭا قۇرىلىمى بەكىتىلدى، دەپ حابارلايدى “ادىرنا” ۇلتتىق پورتالى.
قۇجاتقا سايكەس، پرەزيدەنت اكىمشىلىگى باسشىسىنىڭ ورىنباسارلارى لاۋازىمدارى جويىلدى. سونداي-اق ءتورت ءبولىم قىسقارتىلدى.
پرەزيدەنت اكىمشىلىگىنىڭ جاڭارتىلعان قۇرىلىمى:
- پرەزيدەنت اكىمشىلىگىنىڭ باسشىسى;
- قاۋىپسىزدىك كەڭەسىنىڭ حاتشىسى;
- پرەزيدەنت كەڭسەسىنىڭ باستىعى;
- پرەزيدەنتتىڭ كومەكشىلەرى;
- پرەزيدەنتتىڭ كەڭەسشىلەرى;
- پرەزيدەنت اكىمشىلىگىنىڭ بولىمدەرى.
پرەزيدەنتتىڭ بىرنەشە كومەكشىسى بولادى. ولار:
- ىشكى ساياسات جانە كوممۋنيكاتسيالار ماسەلەلەرى بويىنشا كومەكشىسى;
- ەكونوميكالىق ماسەلەلەر بويىنشا;
- حالىقارالىق ماسەلەلەر بويىنشا كومەكشىسى;
- قۇقىقتىق ماسەلەلەر بويىنشا كومەكشىسى;
- پرەزيدەنتتىڭ عىلىم جانە يننوۆاتسيا ماسەلەلەرى بويىنشا كومەكشىسى.
قاۋىپسىزدىك كەڭەسىنىڭ حاتشىسى لاۋزىمىنا عيزات نۇرداۋلەتوۆ تاعايىندالدى.
بۇدان بولەك، رۋسلان جەلدىباي پرەزيدەنتىنىڭ ىشكى ساياسات ماسەلەلەر جانە كوممۋنيكاتسيالار جونىندەگى كومەكشىسى، ەرجان قازىحان حالىقارالىق ماسەلەلەر جونىندەگى كومەكشىسى، ال ەرجان جيەنباەۆ قۇقىقتىق ماسەلەلەر جونىندەگى كومەكشىسى لاۋازىمىنا تاعايىندالدى.
پرەزيدەنت اكىمشىلىگىنىڭ ءبولىم مەڭگەرۋشىلەرى دە بەكىتىلدى. ولار:
قاناتبەك جايساڭباەۆ – وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى;
رۋسلان تۇرعانالى – مەملەكەتتىك قىزمەت ءبولىمىنىڭ مەڭگەرۋشىسى;
الەكسەي كالايچيدي – قۇقىق قورعاۋ جۇيەسى ءبولىمىنىڭ مەڭگەرۋشىسى;
ايدىن قۇلسەيىتوۆ – الەۋمەتتىك-ەكونوميكالىق ساياسات ءبولىمىنىڭ مەڭگەرۋشىسى;
ەرنار لازار – سىرتقى ساياسات ءبولىمىنىڭ مەڭگەرۋشىسى.
ال مۇرات بايمۇقاشەۆ قاۋىپسىزدىك كەڭەسى حاتشىسىنىڭ ورىنباسارى، راسۋل ورازعۇلوۆ قاۋىپسىزدىك كەڭەسىنىڭ قاۋىپسىزدىكتىڭ وزەكتى ماسەلەلەرى ءبولىمىنىڭ مەڭگەرۋشىسى بولىپ تاعايىندالدى.
