تەڭىز دەڭگەيىنەن 4376 مەتر بيىكتىكتەگى شىڭنىڭ اتاۋى وزگەرگەنى رەسمي تۇردە راستالمادى. دەسە دە، 8-9 شىلدەدە وتكەن «الماتى-2023» حالىقارالىق الپينيادانىڭ باعدارلاماسىندا 2023 جىلدان باستاپ شىڭ «الماتى شىڭى» دەپ اتالاتىنى كورسەتىلگەن، دەپ جازادى "ادىرنا".
«الماتى قالاسىنىڭ اتى اڭىزعا اينالعان شىڭى – الماتى شىڭى 4376 م (1930-1935. الماتى شىڭى، 1935-1997. كومسومول شىڭى، 1997-2023. نۇرسۇلتان شىڭى) «الماتى-2023» حالىقارالىق الپينياداسى»، - دەپ كورسەتىلگەن.
شىڭ اتاۋىنىڭ وزگەرتىلگەنى تۋرالى تۇسىنىكتەمەدە اتاپ وتىلگەن.
شىڭنىڭ اتاۋى 1998 جىلى ەكس-پرەزيدەنت نازارباەۆتىڭ قۇرمەتىنە وزگەرتىلگەن. سونىمەن قاتار، جىل سايىن دەرلىك وتكىزىلەتىن جاپپاي اسۋ ناۋقانى شىلدە ايىندا نازارباەۆتىڭ تۋعان كۇنى – 6 شىلدەمەن تۇسپا-تۇس كەلەدى.
ايتا كەتەيىك، ەلىمىزدە جانە شەت مەملەكەتتەردە دە تۇڭعىش پرەزيدەنت قۇرمەتىنە ارنالعان ەسكەرتكىشتەر، ءتۇرلى ورىندار، كوشەلەر ءالى دە كوپ.
