ايگىلى شۆەيتساريالىق Richard Mille برەندىنىڭ 394 ميلليون تەڭگەگە باعالانعان ساعاتى اۋكتسيوندا ساتىلدى، - دەپ حابارلايدى "ادىرنا" پورتالى.
تومەن باعا بويىنشا ساۋدا اۋكتسيونى شىلدە ايىنىڭ باسىندا ءوتتى. الماتىنىڭ مەملەكەتتىك مۇلىك جانە جەكەشەلەندىرۋ دەپارتامەنتىنىڭ مالىمەتىنشە، ساتىپ الۋشى تاۋار قۇنىنىڭ جارتى باعاسىن 196 ميلليون 835 مىڭ تەڭگەنى تولەۋگە دايىن.
"باعانى كوتەرۋ بويىنشا ساۋدا اۋكتسيونىندا تىركەلگەن قاتىسۋشىلاردىڭ بولماۋىنا بايلانىستى جارامسىز دەپ تانىلدى. Richard Mille Limited Edition Rafael Nadal ساعاتى ەكىنشى اۋكتسيوندا باعانى تومەندەتۋ ارقىلى 196 ميلليون 835 مىڭ تەڭگەگە ساتىلدى", - دەدى ۆەدومستۆو وكىلدەرى.
وسىعان دەيىن اۋكتسيوندا باعا بىرتىندەپ تومەندەيتىنى جانە قۇننىڭ جارتىسىنا دەيىن جەتۋى مۇمكىن ەكەنى حابارلانعان بولاتىن. ەڭ تومەنگى باعالاۋ قۇنىنىڭ 50 پايىزى مولشەرىندە بەلگىلەندى. 5 پايىزدىق باعانى تومەندەتۋ ءادىسى بەلگىلەنبەدى.
ەگەر مۇندا ۇمىتكەرلەر بولماعاندا، وندا مۇلىك ساۋدا ۇيىمدارىنا بەرىلەتىن ەدى. ولار تاراپىنان سمەتالىق قۇنىنىڭ جارتىسى تولەنەدى، ونىڭ 25 پايىزى كەپىلدىك رەتىندە، ال قالعانى ساتىلعاننان كەيىن تولەنەدى. وسىلايشا مەملەكەت تاركىلەنگەن دۇنيە-مۇلىكتىڭ وتە ارزان باعامەن كەتپەۋى ءۇشىن وسىنداي شارالار قابىلدايدى.
ايتا كەتەتىن جايت، قۇنى 394 ميلليون تەڭگە تۇراتىن Richard Mille ساعاتىن ساتىپ الۋعا نيەت بىلدىرگەن مەملەكەتتىك ورگاندار بولعان جوق. ودان ءارى ساعات اۋكتسيوندا بارلىق قىزىعۋشىلىق تانىتقان قازاقستاندىقتارعا ۇسىنىلدى، بىراق ساتىپ الۋشىلار بولمادى.
Richard Mille برەندىن الەمنىڭ اتاقتى ادامدارى تاعادى. ونىڭ ىشىندە رافاەل نادال، سيلۆەستر ستاللونە، دجەيسون ستەتحەم، دجەكي چان، درەيك، ەد شيران، يلون ماسك، فلويد مەيۆەزەر، روبەرتو مانچيني، فەليپە ماسسا، الەكسيس پينتۋرو، كەۆين حارت، دميتري پەسكوۆ. شەشەنستان باسشىسى رامزان قادىروۆتىڭ ۇلى، سونىمەن قاتار كاتار حانزادالارى دجوان بەن حاماد پەن حاليفا بين حاماد.
