قىرعىزستان پرەزيدەنتى سادىر جاپاروۆ بارلىق مەملەكەتتىك قىزمەتكەرلەرگە قىرعىز ءتىلىن ءبىلۋدى، مەڭگەرۋدى مىندەتتەيتىن ەل پارلامەنتى قابىلداعان كونستيتۋتسيالىق زاڭعا قول قويدى. بۇل تۋرالى رەسپۋبليكا باسشىسىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
ەندى قىرعىزستانداعى كونستيتۋتسيالىق زاڭ بويىنشا تەلەراديوكومپانيالار، ونىڭ ىشىندە جەكەمەنشىك كومپانيالار مەملەكەتتىك تىلدە كەمى 60% حابار تاراتۋى ءتيىس.
"قىرعىز رەسپۋبليكاسىنىڭ پرەزيدەنتى سادىر جاپاروۆ "قىرعىز رەسپۋبليكاسىنىڭ مەملەكەتتىك ءتىلى تۋرالى "كونستيتۋتسيالىق زاڭعا قول قويدى", - دەلىنگەن حابارلامادا.
جاڭا زاڭعا سايكەس، قىرعىز ءتىلى بۇدان بىلاي "مەملەكەتتىك ورگانداردىڭ، جەرگىلىكتى ءوزىن-ءوزى باسقارۋ ورگاندارىنىڭ، كاسىپورىنداردىڭ، مەكەمەلەردىڭ جانە بارلىق مەنشىك نىسانىنداعى ۇيىمداردىڭ قىزمەتىندە" قولدانىلۋى ءتيىس. بىرلەسكەن، شەتەلدىك ۇيىمداردىڭ اتاۋلارى ەندى مەملەكەتتىك تىلگە ترانسليتەراتسيامەن راسىمدەلۋى ءتيىس.
تەلەراديوكومپانيالار، ونىڭ ىشىندە جەكەمەنشىك كومپانيالار مەملەكەتتىك تىلدە باعدارلامالاردىڭ كەمىندە 60% -. جۇرگىزۋى ءتيىس.
دەپۋتاتتاردى، ۇلتتىق بانك قىزمەتكەرلەرىن، اسكەري قىزمەتشىلەردى، سۋديالاردى، پروكۋرورلاردى، ادۆوكاتتاردى، نوتاريۋستاردى، بارلىق مەنشىك نىسانىنداعى وقۋ ورىندارىنىڭ قىزمەتكەرلەرىن جانە مەديتسينالىق پەرسونالدى قوسا العاندا، بارلىق مەملەكەتتىك قىزمەتشىلەر مەملەكەتتىك ءتىلدى مەڭگەرۋگە جانە ونى قىزمەتتىك مىندەتتەرىن اتقارۋ كەزىندە پايدالانۋعا ءتيىس.
سونىمەن قاتار، زاڭ باپتارىنىڭ بىرىندە ورىس ءتىلىنىڭ رەسمي ءتىل رەتىندە قولدانىلاتىندىعى جازىلدى.
"رەسمي ءتىلدى قولدانۋ قىرعىز رەسپۋبليكاسىنىڭ زاڭناماسىندا كوزدەلگەن تارتىپپەن جۇزەگە اسىرىلادى. قىرعىز رەسپۋبليكاسى ءوز اۋماعىندا تۇراتىن بارلىق ەتنوستار وكىلدەرىنىڭ تىلدەرىن ەركىن پايدالانۋ قاعيداتىن ۇستانادى جانە وسى تىلدەردىڭ دامۋى ءۇشىن جاعداي جاساۋعا كەپىلدىك بەرەدى", - دەپ اتاپ ءوتتى ءباسپاسوز قىزمەتى. بۇل رەتتە رەسمي جارلىقتىڭ قولدانىلۋ اياسى ناقتىلانبايدى.
زاڭ بويىنشا، رەسپۋبليكادا مەملەكەتتىك ءتىل - قىرعىز ءتىلى، ورىس ءتىلى بولساچ، كونستيتۋتسيادا بەكىتىلگەن رەسمي مارتەبەگە يە.
"ادىرنا" ۇلتتىق پورتالى
