Qyrǧyzstan prezidentı Sadyr Japarov barlyq memlekettık qyzmetkerlerge qyrǧyz tılın bıludı, meŋgerudı mındetteitın el parlamentı qabyldaǧan konstitusiialyq zaŋǧa qol qoidy. Būl turaly respublika basşysynyŋ baspasöz qyzmetı habarlady, dep jazady "Adyrna" ūlttyq portaly.
Endı Qyrǧyzstandaǧy konstitusiialyq zaŋ boiynşa teleradiokompaniialar, onyŋ ışınde jekemenşık kompaniialar memlekettık tılde kemı 60% habar taratuy tiıs.
"Qyrǧyz Respublikasynyŋ Prezidentı Sadyr Japarov "Qyrǧyz Respublikasynyŋ memlekettık tılı turaly "Konstitusiialyq zaŋǧa qol qoidy", - delıngen habarlamada.Jaŋa zaŋǧa säikes, Qyrǧyz tılı būdan bylai "memlekettık organdardyŋ, jergılıktı özın-özı basqaru organdarynyŋ, käsıporyndardyŋ, mekemelerdıŋ jäne barlyq menşık nysanyndaǧy ūiymdardyŋ qyzmetınde" qoldanyluy tiıs. Bırlesken, şeteldık ūiymdardyŋ ataulary endı memlekettık tılge transliterasiiamen räsımdeluı tiıs. Teleradiokompaniialar, onyŋ ışınde jekemenşık kompaniialar memlekettık tılde baǧdarlamalardyŋ kemınde 60% -. jürgızuı tiıs. Deputattardy, Ūlttyq bank qyzmetkerlerın, äskeri qyzmetşılerdı, sudialardy, prokurorlardy, advokattardy, notariustardy, barlyq menşık nysanyndaǧy oqu oryndarynyŋ qyzmetkerlerın jäne medisinalyq personaldy qosa alǧanda, barlyq memlekettık qyzmetşıler memlekettık tıldı meŋgeruge jäne ony qyzmettık mındetterın atqaru kezınde paidalanuǧa tiıs. Sonymen qatar, Zaŋ baptarynyŋ bırınde orys tılınıŋ resmi tıl retınde qoldanylatyndyǧy jazyldy.
"Resmi tıldı qoldanu Qyrǧyz Respublikasynyŋ zaŋnamasynda közdelgen tärtıppen jüzege asyrylady. Qyrǧyz Respublikasy öz aumaǧynda tūratyn barlyq etnostar ökılderınıŋ tılderın erkın paidalanu qaǧidatyn ūstanady jäne osy tılderdıŋ damuy üşın jaǧdai jasauǧa kepıldık beredı", - dep atap öttı baspasöz qyzmetı. Būl rette resmi Jarlyqtyŋ qoldanylu aiasy naqtylanbaidy.Zaŋ boiynşa, respublikada memlekettık tıl - qyrǧyz tılı, orys tılı bolsach, konstitusiiada bekıtılgen resmi märtebege ie.
"Adyrna" ūlttyq portaly
Ūqsas jaŋalyqtar
