كارىم ءماسىموۆ بۇرىنعى ورىنباسارلارىمەن بىرگە تەرروريزمدى قارجىلاندىرۋشىلار تىزىمىنە ەندى

"تەررورشىلارعا تىرەك بولعانداردىڭ" تىزىمىندە كارىم ءماسىموۆ قانا ەمەس، ونىڭ بۇرىنعى ورىنباسارلارى ءانۋار سادىقۇلوۆ پەن داۋلەت ەرعوجين بار.

ەسكە سالا كەتەيىك، 2022 جىلعى 6 قاڭتاردا ۇقك مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەرگەۋدى باستادى. كارىم ءماسىموۆ پەن باسقا دا تۇلعالار ۇستالىپ، ۋاقىتشا ۇستاۋ يزولياتورىنا قامالدى.

باس پروكۋروردان "قاندى قاڭتارداعى" جاپپاي تارتىپسىزدىكتەردىڭ باستى ۇيىمداستىرۋشىسى رەتىندە كارىم ءماسىموۆتى اتادى.

«مەملەكەتتىك توڭكەرىس جاساۋعا دايىندىق بولدى، قاستاندىق جاسالدى. بۇگىن ايتقانىمداي، نەگىزگى ۇيىمداستىرۋشىلار رەتىندە ۇلتتىق قاۋىپسىزدىك كوميتەتىنىڭ بۇرىنعى باسشىلىعى – ك. ءماسىموۆ پەن ونىڭ ورىنباسارلارىنا قاتىستى قىلمىستىق ءىس قوزعالدى»، - دەپ جاۋاپ بەرگەن ەدى باس پروكۋرور.

238 ادامنىڭ ءومىرىن قيعان قاڭتار قىرعىنىنا تىكەلەي قاتىسى بار دەلىنەتىن كارىم ماسىموۆكە قاتىستى قىلمىستىق ءىستى تەرگەۋ  25 تامىزدا اياقتالدى.

سوت شەشىمى بويىنشا, كارىم ءماسىموۆ قك-ءنىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى، جازانى ءىشىنارا قوسۋ ارقىلى 18 جىلعا باس بوستاندىعىنان ايىرۋ، مۇلكى تاركىلەنىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرۋ جازاسى تاعايىندالدى.

2023 جىلعى 24 ساۋىردە سوت قر ۇقك ەكس-توراعاسىنا قاتىستى ۇكىم شىقتى.

"ادىرنا" ۇلتتىق پورتالى