سولتۇستىك قازاقستان وبلىسىنىڭ ستاتيستيكا دەپارتامەنتىنىڭ 28 جاستاعى قىزمەتكەرى پاتەر يەسىن اياۋسىز ولتىرگەن. ەر ادام 11 جىلعا باس بوستاندىعىنان ايىرىلدى، دەپ حابارلايدى «ادىرنا» ۇلتتىق پورتالى Zakon.kz سايتىنا سىلتەمە جاساپ.
بەلگىلى بولعانداي، ميحايل مالەەۆ سولتۇستىك قازاقستان وبلىسىنىڭ ستاتيستيكا دەپارتامەنتىندە مامان بولىپ جۇمىس ىستەپ، پەتروپاۆلدا 64 جاستاعى زەينەتكەردەن جالعا العان پاتەردە ايەلىمەن بىرگە تۇرعان. 25 مامىردا ەر ادام ءۇي يەسىنە تولەمدى كەيىنگە قالدىرۋدى سۇراپ كەلگەن. الايدا زەينەتكەر ودان باس تارتادى دەپ ويلاپ، وزىمەن بىرگە پىشاق الىپ كەتكەن.
«زەينەتكەر كەيىنگە قالدىرۋدان باس تارتقان سوڭ، ەر ادام پىشاعىن الىپ، قاتىگەزدىكپەن ونىڭ كەۋدەسىنە، ىشىنە جانە باسىنىڭ ارتقى جاعىنا بىرنەشە رەت سوققى بەرە باستاعان. سوققىلاردان كەيىن پىشاقتىڭ ءجۇزى دەفورماتسياعا ۇشىراپ، مايىسقان. سوتتالۋشى اسحانا ۇستەلىنەن تاعى ءبىر پىشاقتى الىپ، ەكىنشى پىشاق تا مايىسقانشا ۇرۋدى جالعاستىرعان»، - دەپ جازادى باسىلىم قىلمىستىق ءىس ماتەريالدارىنا سىلتەمە جاساپ.
ارتىنشا ەر ادام ۇيگە سپيرتتىك ىشىمدىك شاشىپ، ورتەپ جىبەرگەن.
وتكەن جىلدىڭ قازان ايىندا 28 جاستاعى مالەەۆ سوت الدىندا جاۋاپ بەردى. پروتسەسس بارىسىندا سوتتالۋشى كىناسىن مويىندادى. قىلمىسكەردىڭ ايتۋىنشا، ايەل ادام ونى قورلاعان، وقيعاعا وسى جاعداي سەبەپ بولعان. بىراق سوت بۇل ايعاقتاردى ەسكەرگەن جوق.
پروكۋرور ميحايل مالەەۆتىڭ قىلمىسىن قازاقستان رەسپۋبليكاسى قىلمىستىق كودەكسىنىڭ 99-بابىنا سايكەس «ەرەكشە قاتىگەزدىكپەن كىسى ءولتىرۋ» دەپ سارالاپ، 17 جىلعا باس بوستاندىعىنان ايىرۋدى سۇرادى.
سوت مالەەۆتى 11 جىلعا باس بوستاندىعىنان ايىرۋ تۋرالى شەشىم قابىلدادى.
«ادىرنا» ۇلتتىق پورتالى
