بۇگىن ەلىمىزدىڭ بىرقاتار وڭىرىندە ءموبيلدى ينتەرنەت ناشارلاعان، دەپ حابارلايدى “ادىرنا” ءتىلشىسى.
تاڭەرتەڭ Activ/Kcell ۇيالى بايلانىسىنىڭ پايدالانۋشىلارى قوسىلىم اقاۋلارىنا شاعىمداندى. بۇل تۋرالى جەلىدە Activ جانە Kcell قولدانۋشىلارىنان بىرقاتار پىكىر كەلىپ تۇسكەن. اقپاراتتى Kcell كومپانياسى دا راستاپ وتىر.
«تەحنيكالىق بولىمشە قىزمەتكەرلەرىنىڭ جۇمىسىنىڭ ارقاسىندا قازاقستاننىڭ سولتۇستىك جانە شىعىس وڭىرلەرىندەگى بىرقاتار قالالاردا دەرەكتەردى بەرۋ قىزمەتىنىڭ بولماۋى فاكتىسى انىقتالىپ وتىر. قازىرگى ۋاقىتتا كومپانيا ماماندارى قىزمەتتىڭ جىلدام قالپىنا كەلۋ سەبەبىن انىقتاۋدا»، - دەپ جاۋاپ بەردى كومپانيا وكىلدەرى.
بايلانىس قالپىنا كەلتىرىلگەندە كومپانيا قىزمەتكەرلەرى دەرەۋ حابارلايتىندىعىن مالىمدەدى.
