شۆەتسيا پوليتسياسى سيونيستىك ەلشىلىك الدىندا ءتاۋرات پەن ءىنجىلدى ورتەۋ شەرۋىن وتكىزۋ تۋرالى وتىنىشكە كەلىسىم بەرگەنى حابارلاندى, دەپ جازادى "ادىرنا" ۇلتتىق پورتالى.
شۆەتسيا اقپارات قۇرالدارى شۆەد پوليتسياسىنىڭ ەۆرەيلەر مەن حريستيانداردىڭ قاسيەتتى كىتاپتارىن ورتەۋگە رۇقسات بەرۋ وتىنىشىنە كەلىسكەنىن جانە ميتينگ وسى سەنبىدە ستوكگولمدەگى يزرايل ەلشىلىگىنىڭ الدىندا وتەتىنىن حابارلادى. الدىڭعى حابارلاردا بۇل ءوتىنىشتى 30 جاستاعى ەر ادام جاساعانى ايتىلعان. ءوتىنىش يەسىنىڭ ايتۋىنشا، «مۇنداي ميتينگ ستوكگولم مەشىتىنىڭ الدىندا قۇراننىڭ ورتەلۋىنە جاۋاپ، سونىمەن قاتار بۇل ءسوز بوستاندىعىن قولداۋ سيمۆولدىق ميتينگى».
ەستەرىڭىزدە بولسا، 28 ماۋسىمدا ستوكگولمدە يراكتان كەلگەن 37 جاستاعى يمميگرانت سالۆان مونيكا قۇران بەتتەرىن جۇلىپ الىپ، اياق كيىمىن ءسۇرتتى، نانمەن بىرگە ورتەدى. ول بۇل اكتسيانى قۇربان ايتتىڭ ءبىرىنشى كۇنى شۆەتسيا استاناسىنداعى مەشىتتىڭ جانىندا وتكىزدى. قۇراندى ورتەۋ بۇكىل الەم مۇسىلماندارىنىڭ قاتتى رەاكتسياسىن تۋدىردى.
ريم پاپاسى فرانتسيسك تە شۆەتسيا استاناسىندا وتكەن قۇراندى ورتەۋ ارەكەتىن ايىپتادى. 3 شىلدەدە شىققان ء"ال-يتتيحاد" گازەتىنە بەرگەن سۇحباتىندا ول مۇسىلمانداردىڭ قاسيەتتى كىتابىنىڭ ورتەنۋىن "جيىركەنىشتى ارەكەت" دەپ اتادى.
وزبەكستان پرەزيدەنتتىگىنە ۇمىتكەر بولعان كەزىندە شاۆكات ميرزياەۆ تاشكەنت سايلاۋشىلارىمەن كەزدەسىپ، شۆەتسياداعى قاسيەتتى قۇراننىڭ ورتەنۋىن قاتىگەزدىككە بالادى.
"ادىرنا" ۇلتتىق پورتالى
ۇقساس جاڭالىقتار
