پاۆلودار وبلىسىنداعى «ەرتىس ورمانى» رەزەرۆاتىندا شىققان ءورتتىڭ وقشاۋلانعانى حابارلاندى، دەپ جازادى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
«شارباقتى اۋدانىنداعى ورمان شارۋاشىلىعىنىڭ اقپاراتى بويىنشا «ەرتىس ورمانى» رەزەرۆاتى اۋماعىنداعى ءورت بۇگىن ساعات 14.14-تە وقشاۋلاندى. الدىن الا مالىمەت بويىنشا ءورتتىڭ اۋماعى 850 گەكتاردى قۇرايدى»، - دەلىنگەن حابارلامادا.
ەسكە سالا كەتەيىك، ۇلتتىق اقپارات كەڭىستىگىندە «ەرتىس ورمانى» رەزەرۆاتىندا 850 گا جەردىڭ ورتكە ورانىپ جاتقانى جايلى حابارلاما تارادى. كەيىننەن وقيعا ورنىنا توتەنشە جاعدايلار ءمينيسترى سىرىم ءشارىپحانوۆتىڭ بارعانى ايتىلدى.
سونىمەن قاتار، 14 شىلدەدە باياناۋىل ۇلتتىق پاركىندە ءورت شىقتى. .ءوءرتتى سوندىرۋگە 130 ءورت ءسوندىرۋشى جۇمىلدىرىلدى.
15 شىلدە كۇنى شارباقتى اۋدانىنىڭ ستەپنوە جانە باۋىرتال ورمانشىلىقتارىندا ورماننان ءورت شىقتى.
اباي وبلىسىنداعى بەگەن ورمان شارۋاشىلىعىندا بولعان ورتكە بايلانىستى تۋريستەرگە دەمالىس ايماعىنان كەتۋگە كەڭەس بەرىلدى.
"ادىرنا" ۇلتتىق پورتالى
