قر توتەنشە جاعدايلار مينيسترلىگىنىڭ باسشىسى سىرىم ءشارىپحانوۆ قۇتقارۋشىلار تىكەلەي حابارلاسا الۋى ءۇشىن بايلانىس ءنومىرىن جاريالادى، دەپ حابارلايدى "ادىرنا".
4 قىركۇيەكتەن باستاپ توتەنشە جاعدايلار ءمينيسترى سىرىم دۇيسەنعازىۇلىنىڭ تج مينيسترلىگىنىڭ جەكە قۇرامىنا ارنالعان تەلەفون ءنومىرى "WhatsApp" مەسسەندجەرىندە ىسكە قوسىلدى.
"ەندى توتەنشە جاعدايلار مينيسترلىگىنىڭ اۋماقتىق بولىمشەلەرىنىڭ، ۆەدومستۆولىق باعىنىستى ۇيىمدارىنىڭ قىزمەتكەرلەرى، سونداي-اق ازاماتتىق قورعاۋ ورگاندارىنىڭ ارداگەرلەرى وزدەرىن قىزىقتىراتىن پروبلەمالىق ماسەلە بويىنشا تىكەلەي مينيسترگە +7 747 651 75 88 تەلەفونى ارقىلى اقپاراتتى جىبەرە الادى."-دەپ حابارلادى مينيسترلىكتىڭ ءباسپاسوز قىزمەتى.
سونداي-اق ماسەلەنى مينيسترگە جولداماس بۇرىن حابارلامادا جەكە دەرەكتەر كورسەتىلۋى ءتيىس: اتى-ءجونى مەن لاۋازىمى، ايماعى.
ەستەرىڭىزگە سالا كەتەيىك، سىرىم ءشارىپحانوۆ 10 ماۋسىم كۇنى قر توتەنجە جاعدايلار ءمينيسترى قىزمەتىنە تاعايىندالعان بولاتىن.
ۇقساس جاڭالىقتار
